Kuki Inpi Manipur (KIM): Condemnation

DEMNA THUPHON

29th  March, 2024

Nampi’n gal idou laitah uva, Sadar Hills gamkai sunga melhet lou Border Defence Force kiti hon Kuki Inpi Sadar Hills (KISH) leh Kuki Student’s Organisation Sadar Hills Office akha (sealed) uhi Kuki Inpi  in demna sangtah akiphong in ahi.

Chuleh 28th March, 2024 jankhanga melhetlou hon Kuki Inpi Sadar Hills President Pu Thangminlen Kipgen leh Kuki Inpi Sadar Hills Vice President (Admin) Pu Douminlal Haokip, hem le thal mangcha a achenna inmun a kinokhum’a, thil le lo kisuhsetna chunga jong demna sangtah akiphonge.

KISH leh KSO Office, Border Defence Forces minna kikhah hi nam noisena in akilan, 30th March, 2024 (Satruday) 11:00 AM kah a kiphonna ahin nei uva, akha u Office ahon uva, Kuki Inpi henga Custom dungjuija ngaidam ahung kithum diuvin hetsahna akineijin, hiche thupeh hi nahsah louva akoi uleh Kuki Inpi leh abahkai hon District sunga boina hihen, kihoumatna ding hihen, ipi lam hijong leh toh leh tham ima kibol louding ahi.

----

Share: