Israelte leh Milim Biakna: Kapboi Suantak

MILIM  biakna ahi leh Pasian in ajak da mah mah leh amuh nop lou Mohna teh lak a khat ahi.Tua ahian in Pasian in hi milim biakna pen amite in achiin het lou ding uleh a bol het lou ding uh pen Pasian deina hi jing hi .Thukhun lui sung ih sim Chiang in hih milim biakna leh milim Pasian pen tamvei muthei in om hi adiak in kumpi teh leh chronicles bu sung a kimu thei hi.

Tuni in Iseralte tangthu a MILIM biakna hung kipat dan leh milim biakna jiak ah  thaman amu teh uh salou ih enn suk suk ding uhi.

💠PATE HUN
Iseral pu leh pate Abraham,Issack,Jacob leh a tate hun sung pen pate hun chin ki chiamteh hi. Tualeh hih hun sung in milim biakna pen ki mukhol lou hi .Jacob ji Rachel in a pa Laban milim Pasian lim teraphim a lak napat in milim Pasian om ahi lam kithei thei hi.Ahin la hi pate hun in milim biakna a kibual Sia lom lawm omlou hileh kilom hi.Tua ahiman in hi hun sung in Iseral pate pen MILIM biakna pat in ki Kem jou uhi.

💠MOSI HUN
Pasian in Iseralte a ding thukham hung piakna Tung tawn in milim biaklou ding ahi dan lim Tak in hung hil hi(Exo.20:3)Keimah lou ngal pasian dang na nei kei ding uhi.Tua tham lou in Pasian in Iseralte in milim Pasian min na ngawn a gen ding uh phal lou ahi (Exo.23:13)Tualeh Pasian in Iseralte pen a gamchiam gam alua Chiang un jong a gam aom mite om dan leh tawn dan a jui ding uh phal lou ahi (Levi:20:23) Bang jiak in e,ih chi leh amah uh teh pen MILIM Pasian bia mite ahi uhi.

💠VAIHOMTUTE HUN
Iseralte gamchiam gam ahung Tung ta ua,tuachin Caleb leh Joshua shi Jo in , Vaihomtute khut nuai a ahung om uhi.Tua leh gam chiamgam ahung Tun Jo uh sawt lou nung in, a biak Pasian uh ahung manghil ua,tuachin milim Pasian teh ahung bia ta uhi (Vaihomtute 3:7). Vaihomtu Gideon hun in hih milim biakna tau leh maitam teh suksiat in ahung om hi(Vaihomtute 6:25) ahin la sawt lou nung in Jeptha hun in hi milim tau teh hung ki Tung ding kit hi (Vaihomtute 10:6) Vaihomtute teh hun sung pen Kum 350 vel ahi,ahin la Iseral tate in Pasian thupiak jui lou a  MILIM bia  a aom man un Kum 110 sung vel  mi suak leh sal in om uhi.

💠KUMPI TEH HUN(United Kingdom)
Kumpi Saul , David leh Solomon lal hun sung pen United Kingdom kichi hi.Bang jaik in e, ichi leh Iseral leng gam kek nailou ahi.Kumpi Saul leh David hun in milim biakna toh kisai mu ding om lou hi.Kumpi Solomon hun a hung Tung Tak in a hinkhua top lam a aji teh jiak in  milim Pasian hung  bia kha a, tualeh abiak nang tau leh inn teh bawl sak hi(I king 11:5-8). Tua leh hih Solomon milim biakna hang in Iseral leng gam pen hung kek in leng gam khat hilai ni hung suak hi.Tua teh ahi leh Judah leng gam (southern Kingdom)leh iseral leng gam (northern Kingdom) teh ahi.

💠JUDAH LENG GAM (southern Kingdom)
Kumpi Solomon khelna jiak in pasian in atapa Rehoboam hun in Iseral leng gam pen nih sua sak hi.Judah leng gam (southern Kingdom) leh Iseral leng gam (northern Kingdom) ahi. Judah leng gam ahi leh B.C 856 vel a Babylon teh khut a salmat in om uhi. Tualeh salmat ah  aom tan un leng 20 vel aom man uhi.Tualeh Judah leng teh vaihom na mun  pen Jerusalem khopi  ahi.Tualeh hih Judah leng gam a Iseral nam ni bek om uhi.(Judah leh Benjamin) Tualeh hih Judah leng gam pen Judah nam  teh vaihomna nuai aom leng gam ahi,tualeh leng a pang teng abon un innkuan khat sung pan ahi uhi(David innkuan Judah nam ) Tualeh hih leng gam apat in pasian lau deuh leng 8 om hi.Tualeh hih leng gam a beina ziak ahi leh bang ma dang hilou in MILIM biakna ziak ahi.

💠ISERAL LENG GAM (Northern kingdom)
Iseral lengam (northern Kingdom) ahi leh B.C 722 vel in Assyrian teh khut a pasian in ana pia khia hi.Tua leh a leng gam aom sung in leng 19 vel aom(Tibni sim in 20)  man hi.Tualeh Iseral lengte vaihom na mun pen Samaria khopi hi tangpi hi.Tua leh hih leng gam a Iseral nam sawm teh aom uhi(Judah leh Benjamin chi lou).Hih leng gam pen Judah leng gam bang in inn kuan khat chok in vaihom na nei lou uhi, hih leng gam a vaihom kha innkuan Nga leh mimal li om hi, agom in leng 19 om hi.

Tualeh hih leng gam pen Kum 240 leh kha sagih leh ni sagih   sung daih  hi.Tualeh hih leng gam a pasian lau a vaihom leng khat jong om lou hi.Tualeh Alamdang mah mah khat ahi leh,hih leng gam pasian in Iseral nam swam(Judah leh Benjamin chilou) teh kiang ana pia khia ma taleh jong hih leng gam a vaihom sawt pen Judah teh mah ahi uhi ,Jehu leh a suan leh akhak teh ahi uhi.Hih Jehu pen Judah kumpi Jehosaphat innkuan sung pan ahi.Jehu teh innkuan in Iseral leng gam a Kum 102 leh khaguk sung vai vaihom uhi. Tualeh hih leng gam abeina ziak jong bang ma dang hilou in MILIM biakna ziak ahi.

Iseral leng gam (northern Kingdom) teh kumpi masa pen Jeroboam ahi.Pasian in Iseral mi nam sawm teh Tung a vaihom ding leh lam dik a pui ding in Jeroboam leng ding a ana guat hang in   amah  lam et ana bang ta lou hi. Iseral nam sawm teh Jerusalem temple a pai a biakna va bol ah alung uh hung Kihei a, Judah leng gam lam a aom khak ding uh leh Judah leng gam a support ding uh alau man in Jeroboam in hih Iseral nam sawm teh a ding in Bethel leh dan a bongnou pasian Milim a hung bol sak hi(I king 12:27-31).Tua hih Jeroboam khialna Lian pen ahi,tualeh hih bong nou MILIM pen ama leh Iseral nam sawm teh a ding in a ki pal puk na uh hung suak tamai hi.Tua bek tham lou in atop in hih bong MILIM jiak in Suak leh sal a mat in om uhi.

********

Share: