HPO General Conference Vawi 3-Na Neih A Ni

March 26th, 2024: Chinland ram Chin State Hualngoram Administrative Hall ah Hualngoram Peoples Organization (HPO) General Conference a vawi 3-na chu Pathian zarah tluang takin vawiin ah hman zawh a ni thu mawhphurhna nei tu ten an sawi.

General Conference-ah hian Hualngoram mipui leh ram pawn atangin palai mi (120) bawr an kalkhawm thei a ni. Vawiin program hmanna ah Pathian thu nen zel in CDF-Hualngoram Pasaltha martar sunna te, HPO hmalakna report te, Department hrang hrang hmalakna report te, sipai dinhmun leh raldo reportna-te neiin hun hman a ni.

General Conference-ah hian HPO Constitution & By-laws Amendment neih a ni a. Palai kal ten lungrual takin dan siam that na an nei a, dan hrang hrang ah hian (a) The Hualngoram Administrative Council Act-2024, (b) Education Rule, (c) Hualngoram Police Rule, (d) Army Rule-te chu General Conference chuan a nemnghet bawk a ni.

HPO innghahna leh a thil tum te chu a hnuai a mi ang hian a ni.
(1) Sipai dictatorship a zung chawpa pawh phawi.
(2) Myanmar ramah Federal Democracy a awm theihna tura sualtute zinga tel ve tur leh Hualngoram leh a chhunga cheng mi zawng zawng himna venghimtu ARM FORCE din.
(3) Hualngoram chin hum him.
(4) Hualngoram tana phu tawk political status sang ber nei tura hma lak.
(5) Non-political party a ni ang a, eng political party mah zawl bik nei lo organization a ni ang.
(6) Hualngoram chhunga cheng mipuite hriselna/zirna/khawthlang inrelbawlna leh eizawnna tih hmasawn tura thawh.
(7) Mihring tichhe theitu ruihhlo do.
(8) Kristian nun dan chawi san leh Pathian ram a lo zau zel theihna tura hma lak.
---------

HPO mawhphurhna te chu a hnuai ang hian a ni.
1. Hualngoram chhunga khaw tinte inlungrualna leh inpumkhatna kawnga hma lak tur a ni.
2. Revolution tha tichak turin arm force-te a tulna zawn a piangah a pui bawm tur a ni.
3. Tual chhung roreltu pawlte nen tang rualin ram chhung dan leh thu pek kenkawh a ni tur a ni.

Township pathum (Falam, Tedim leh Tonzang) a then darh tawh Hualngoram chu bial pakhata awm tir leh hi a leilung fate dikna leh chanvo a ni tiin HPO/CDF-Hualngoram chuan a sawi

. 
LALPAN kan ram leh hnam ti dam sela kan Pasaltha te hmalakna malsawm sak zel rawh se.

~ Zofa Journal

Share: