Pu Khaimuan mualliam

Lamka, 12 Dec 2023: Tu zingkaal dak 4:30AM vel in Pa S. Khaimuanthang of Immanuel Khopi, Lamka, b/o Pu Lianzalal Secretary ZYA GHQs in hon na bei san. Lusuun na tuak innkuan te ithuak pih in isuun uhi.

Immanuel Defence Committee (Under CVDF) a Chairman lenlel ahi poi mahmah.

Rest in Peace! 💔😢😢😢

======

-------

A TANCHIN TOMKIM

Phamta Pa Khaimuanthang ahileh S. Geltui khua a om, Upa (rtd) Ginzathang leh Pi Chiinkhanniang tate 13 lak a alina (4th) ahi a, S. Belbing khua ah 15 December 1967 in piang hi.

Kum 1990 in Nu Dimhauniang toh kiteng a, gil'a gah goutan ta numei 3 leh pasal 2 anei uhi. Amah ahileh atangval tung apan Volleyball lunglut mi, lawi leh pa ngaina mi, mi pawlnuam, Gam leh Nam ngaina leh ami asate a ding a theihtawpsua a panla zing leh khosung vengsung a ding a zatthieh leh suanhuai mahmah mi ana hi hi. 

Tunichiang don in zong Immanuel Defence Committee ah Chairman hihna ana tuden hi. Amah ahileh February 2023 ah internal bleeding huaise tah ana nei in hospital tuam tuam ah ana kiensak hi.

Damlouna ziak in 06.12.2023 in Lamka District Hospital a ki-admit a, damlam manawh in apot theidi dinmun a aum laitah in thakhat in 12.12.2023 zinglam 1:00am vel in hung buaisia in 04:00 am in a iit, angaihteng nusia in Pa kianglam hung zotsan ta hi.

Atate:
1. Mrs Esther Nianghoikim w/o Pastor Khamlianlal
2. Mrs Irene Manngaihching w/o Pa Michale Suanzamang
3. Mrs Joycess Niangngailun
4. Mr Samuel Thanglianpau
5. Mr Jonas Douliansang

Amintap atute:

1. Zoumuanthang
2. Zoumuanlain
3. Thanglianding
4. Aron Thangmuanlian
---

Share: