BETHLEHEM BONG IN LE GMFDI HILCHET NA

BETHLEHAM BONG IN chu koiman ahoupon JESU CHRISTA chu iehou joh uh ahi. Jesu Christa pen na mun Jing Valpan alam hil un solam miching hon Bethlehem bong in a naosen Leng Jesu chu aga Chibai un ahi. Chubang chun Loujao a geh Kelngoi chinghon jong Pathen Vantil in a hil bang un Bethlehem Bong in Gan Ankong a lum naosen leng Jesu Christa aga chibai jun ahi. 

GMFDI chibai din koima kakou poi. Pathen in tuni 6 PM a achate Kuki Zo chate ahung vil na ding mun GMFDI mun a ngailut leh khoto tah a kakou joh nahiu ve.

GMFDI kithopi na a kakou uh hijo lou in Kuki Zo chate chung a GALPI um hi Van Pathen in iegal uh EI SATPEH nau thu hung hechen un Pathen iehou pau Jesu Christa Lhagao ahi hung hechen un kati joh ahi.

KNO Letterhead a kakou nau chu Kuki te gal ahin KNO lamkai sen ka support nau or, Van Pathen kapom un Aman ie gal uh eisat peh uh ahin Kuki Zo chate jousen ie support cheh diu angai je kati na ahi.

Pathen lungset jala twikhanglen gal a mite Mikang ten Pathen dih Jesu Christa Lhatdam na kipa na thupha eiho nam mite jong eihin pohpeh un Christian iehi tau ve. Christian iehiu kal uh kum 100 Christian iehi nau Centenary Tujangvaichong ah iemang un kum 4 lam ache tai. Hinlah Lhagao mangding Kuki Zo chate lah a ietam behset jeh un; Pathen in eilungnat pi behset un; koima nam chung a abolkhah ngai lou khonung jong leh abol kit lou ding a asei, eiju nam eilungset behset un KANGAILUT KANAMLHEN MITE eitiu vin ietobang tah a kipa um hitam?

 Amatah GMFDI mun ah Pathen in Akamchang tah in eihung vil tau vin ieti kipa um hitam? Kipana khonteh ahi tai. Pathen thangvah na aloupi na vahchoi na asangpen pecheh din kahin tem un nahiu ve. Kalung laigil a cheng jousen Pathen thangvah un; Pathen in Nu Parchi mangcha a asei masat "Kuki te gal a namdang in a sat leh napau Van Pathen keiman kasat ding ahi" ati masat bang chun Kuki te sat kigo Vantil gilou Siva sei dan in "hichelai nagamsung popao leh nagam pumpiu po pa" kihoutoh lhon a thagam ding natiu ahi. Hiche atohgon lhon subulhing ding a chu amani pathen keini Siva leh Koubru nangho chung a galbol lamkai ding a kigong kahiu ahi. Hichu ahetdoh phat na nangho Pathen in nachung uh va gal bolthei lou ding a eihin kantum lhon na eihung kiphonsah lhon ahi; tin iemasang uh vah akiphongdoh lhon in kitchen tah in iemu cheh tau ve. 

Hijeh chun nam gollhang  hon ahetchet phat un Pathen kom ah lungchang botkeh in kiphel theng leh kipah tah in abel un Pathen kithopi na achang un galmun jouse ah Pathen in a Vantil te asol peh in galjona achang jing un ahi. Lha sagi sung Pathen panpi jal in galmun a koima galjam a um pou kha pou ve. Adang dang jong Kuki Zo chate nangho thum sang a lenjo kapeh ding nahiu ve ati nalai jin ahi. Keima ngailut Pathen kahi ngailut na in lhagao mangthai ding ho huhdoh un KEIMAN KAHENAI nangho dei atin ahi .

Geisang den tapoute ngailut na jala gangtah a GMFDI mun hinjon cheh un Pathen in hikom a hung eitahsan ho amichang a vangboh na kapeh ding atu te khang som chan vangboh na kapeh ding chule vanmun a jong kipa man chanvou kapeh diu chule hinna lekhabu a namin uh kasut lut ding ahi atin ahi. Hiche vangboh na iechen thei cheh nadiu vin hinjon un gangtah in hin jon un geisang khau hite Pathen ngailut sopi Kuki Zo chate jouse banjal in kahin sang cheh un nahiu ve, GMFDI mun a Pathen thangvah khom ding in.

Tuchung hi Pathen in thil ni 2 eibolpeh uh eiho LHAGAO ie huhhing  peh uh chuleh ie NAM GAL uh jong eisat peh uh ahi sumil poute. 

 Ahin tem PS Haokip 🙏🏻🙏🏻🙏🏻

via WhatsApp | 15-12-2023

Share: