Note of Appreciation to both Mr. N & T Thangzamuan: Upa Dr DK Mang

Hiaia Unau 2 (nihte) salpha tuak leh anasep ua ginom leh hangsan tuak ahihdan uh mipiten thei kimlou i hihdan uh social mediate a kipan ka theichian mahmah a, poi kasak jiakin ka hon gelh a, genchian danin leng ka kingai mai ka chi.

Mr. N & T Thangzamuante nasepdan ahih ding mah sem tuak ahi uh. Mr.N in MK.Gandhiji hun lai a Britishten anasep dantak ua sem ahi a, Mr.T in hiai hunlai a Gandhi nasep leh kalsuan dan hangsantaka juia sem ahijaw uh.

Copy: FIR against Secretary, ITLF

Nam heutu kichi amahlehamah heutu a kipia maw (or) sehthawh ahih a, huai nasem ding a poma kipankhia ahih nakleh a mawkpuakna a kuitun mateng semkhe dinga pan hon lakngam chiang ua, mipiten Heutu chipan uh ahi. Heutupa Mr.T tung a CM, DGP, SP-te nasep dan alamdang hilou in 1942 khawnga kipan Gandhi makaihna a Sapkangte khut nuaia kipan zalen-na  ngena a kiphin lai ua Gandhi ji thil tuah kipan dek ahita. CM leh MLA khenkhat-ten, hiai thu tawh kisaikha teng leng FIR bulh khum vek ding a chih lai uh i etjui leh, Britishten Gandhi a mat khitnung ua leaderteng root out, eliminate vek leng bei mai ding chi ua leader min pawteng aban kap aban thah uh leh a mat vek dan ua hon bawl sawm uh ahi chih mipiten i haihlouh ding uh ahi.

Nam heutu nationalist khat in tuh dan tawh kituaka i kalsuan hun a om dia, dan ngak zawh vual hilou a, eimah leh mipite poimawh leh deihdan a i kalsuan hun leng a om ke. FIR leng i tuak dia, lockup leng, imprison suangkul a khum inleng, a bungbu a khai a sawina leng omkha venchia, huaituh na mi, na nam, na gam itna himai ahi. Social Media a nam sung tat-tuah a danledun thei lah bang theilou lah bang a thugen leng i chin tam louh uh hoih ding ahi. Mr.T in a sep ding pan dek pan ahi a Mr.N inleng a training zawh a oathtaking lai a, a thuchiam dungjuia a buhpang nasep hangsantaka sem hilel ahi. Ama lungtang sung kimin mahmah lou ding ahi chih i theihpih uh leng poimawh lua ahi, CM, DGP-te thupiak nangzou ding Manipur a govt, employees kuamah omlou ahi.

Atawpna dingin OC-pa limlak tawh social media a, hiai pa huchi khachi namte gal, namte melma namte mansakpa chi a ki hihminsiatna i bawl un CM, all MLAs & Delhi deng lut khin ding ahihmanin, na thilhihkhelh uh na kisik uh poimawh mahmah dingin ka thei.

---

Share: