Lamka, November 23: UZO Relief and Resettlement Committee member te’n tuni’n Tangpijol khuo leh M. Lunmual khuo ah Imphal area a inn leh lou neilou galtaite tenna ding innmun etkhietna nei in hausate kung ah pu-pa ngainadan in singpi khaina nei uhi.
Convenor lamkai in Committee member te’n Tangpijol vapha in inn 10 lamtheina ding mun leh muol va enkhie ua, tuajou in M. Lunmual hausapu kung ah kibaang in singpi bawngnoi pie in inn 31 te tenna ding mun leh muol enkhe kia uhi.
UZO Relief and Resettlement Committee in tutung Manipur buaina zieh a adieh a Imphal area apat hing galtai a bel ding inn neilou te ding in mimal leh mipi leh hattuom pawlpite panpina toh January 10, 2024 apat in inn ding bawlsah sawm in panla zing uhi.
First phase tan ah min list pie finalist a bawlna uah tutan in M. Lunmual ah inn 31 teng ding ua, Tangpijol khuo ah inn 10, Tonjang khuo ah inn 4 leh Singheu khuo ah inn 18 teng ding uhi.
Imphal area apat hing galtaite tenna ding in koipou in panpina pieh thei ding a, tami toh kisai in sum thot thei na ding pen Secretary leh Treasurer 9612942453 / 9862160075 ah thuzah thei ding hi.
Tualeh S. Belpuon leh mun dangdang a inn 200 val teng dingte inn bawlna ding ahileh Committee in Singngat MLA Pu Chinlunthang ngansie uhi.
.JPG)
No comments:
Post a Comment
Comments not related to the topic will be removed immediately.