Kain Zi Khoi a Hung Kipan E? ~ Pastor Thangdoulal Suantak

KAIN zi tawh kisai pen mi tampite buaina khat hi maithei diing a muanmawhna nei ka hihman in, hih thu kung gelh hi. 

LST Gen. 4:16-17, “Tuakhit in Toupa omna a kipan in Kain a pawtkhia a, Eden suahlam a om Nod gam ah a teengta hi. Kain in a zi a luppih a, amah a gai a, Enok a nei hi; tualeh ama'n khopi khat a saat a, tua khopi min diing, ama tapa min tap in Enok a phuak hi.”

Kain in a zi a lakna tawh kisai a Option #1: Pasian in Nam khat a siam a, ama’uhte Nod gam ah a teengsak a, huate lak a kipan in Kain in zi a nei hi. 

Hih Option khatna pen Biblical Answer ahi hiam? Hih Option khatna pen, thudik ahihna Bible ah i muthei uh hiam? LST enlai ni.

Gen. 3:20 ah, Evi pen “Mi zousiah Nu” ahihna gen ahihman in, Adam Evi a kipan hilou mihing tuam kuamah Nod gam ah, Pasian in a tuam in a teengsak kei, chih a kichian hi. Tuaziak in hih Option khatna pen dawnna ahihleh a dikkei hi.

Kain in a zi a lakna tawh kisai a Option #2: Kain in a sanggamnu zi in a nei hi.

Gen. 5:1, 3-4 na ah, “Hih Adam suan-le-khaakte chiamtehna laibu ahi. Pasian in mihingte a bawllai in, Amah tawh kisuun in a bawl hi. 3 Adam kum za leh sawmthum a chinkhit in, ama kisutpih leh a lim-le-meel pua tapa khat a nei a, a min diing in Seth a phuak hi. 4 Seth a suahkhit in Adam kum za-giat sung a dambeh lai hi; tualeh ama'n tapate leh tanute a neihbeh lai hi.”

Hih LST a i muhbang un, Adam in kum 130 ahihlai a Ama kisuthpih tapa a neih pen Seth ahi a, hilezong Amah tawh a kisunlou Kain leh Abel a neihlai a Adam kum phazah pen gen lou hi. 

Hibang ahihziak in, Adam leh Evi in kum 130 ahih masang uh, tapa Seth a neih masang un, tapate leh tanute a nei ua, tualeh kum 130 ahih nung un zong tapate leh tanute a neilai uh chih a kichian hi. Bangzah chet a neih uh e? chih pen kichianlou hi.

Gen. 1:28 na a Pasian in Adam leh Evi thupha a piakna ah, “Chii tampi suang in pung unla, leitung luahdim in thuneih khum un,” a chih nung in Eden huan ah Pasian in Adam leh Evi a koih a, a nung in Eden huan a kipan a nawhkhiat ahi uh hi. Tualeh Eden huan a Pasian in Adam leh Evi a koih ni a kipan a Ta-le-nau neihtheihna neisate ahihziak un, ama’un hua Eden huan ah ta bangzah a nei ua? Neilou uh maw? Ahihleh Adam leh Evi kum bangzah sung Eden huan ah a om ua? Kum 10 maw? Kum 3 maw ahihkeileh ni 3? Kitheilou hi. Adam kum bangzah ahihlai a Eden huan pan a nawtkhiat a om ahia? Chih zong kitheilou hi. A kichian mahmah khat ahihleh Adam hi in Evi hitaleh, ni khat (day-1) ahih ua kipan a pichingsa ahi ua, ta-le-nau neithei ahi uh hi. Hichibang ahihziak in Kain in a Pa Adam ta masa, Nod gam a na teengte lak a kipan in numei khat zi in a nei hi. Aziak pen:

Hua hunlai pen tulai a ei hun tawh kibanglou, innkuan khat kiteen khaam hilou ahi.

Innkuan kiteenna a kikhaamna kipatna ahihleh Mosi hunlai ahi a, Biblical Dispensation et in a 5na ahi. Hih Mosiac period leh Creation kikal pen, kum tampi bang hi diing a tuat ahi.

Kain in a zi a lakna tawh kisai a Option #3: Kain in Nod gam a zot masang in, a pa Adam tanute lak a khat zi in a nei hi.

Hih Option thumna toh kisai a gente pansiik ahihleh, Kain silpiak Maitaam a kipan ahi. Kain in maitaam a bawllai in Abel in zong maitaam a doh hi. Hih Maitaam pen a tuam tuak a a doh uh ahi a, tualeh a maitaam silpiakte uh zong a kibangkei hi. Kain in LOU a tuam in a nei a, a LOU a piangte maitaam a a aap ahihziak in, amah pen LOU tuam neita, Maitaam tuam zong neita ahihna ah, a ta neih thu kigen kei lezong, azi toh inntuansa chihna ahi, chih ahi. 

Hih Option thumna pen Dik-thei leh kilawmtak, ngaihsut tham ching khat ahi. 

Finally Remark:

Kain zi tawh kisai a Option thumte lak ah, a khatna pen Biblical Answer ahih-theihlouh ziak in a dik theikei a, a nihna pen ahihleh Biblical Answer deuh pen, dik-thei leh kilawm pen in a kilang a, tualeh a thumna zong, dik leh kilawmtak bang in a kilang a, Reasonable mahmah hi.

------

Share: