AFRICATE PAUNAK ~ Pastor Thangdoulal Suantak

1. Pilna ahihleh Hauhsakna ahi.

2. Sil kilawm leh etlawmte a bukim chihbang a om ngaikei hi.

3. Mi khat in a gammanna a kipan in lamthak zuih diing a muzaw hi.

4. Diamond in amah hoihsa leh etlawmsa diing neikei lezong, a manphatna a mansuah ngaikei hi.

5. Lawm hoihte lak ah tuisik noukhat zong, theitui limtak bang in a dawnkhawm theih hi.

6. Na teeksiat nung a na omna mun in, na khanlai a na na omna mun a kilangsak hi.

7. Character hoih in meelsiatna a hoihsak theih a, Character hoihlou in, meel-hoihna zong meelsiatna a suaksak hi.

8. Dangka sum-le-paai a kizakh chiang in a beimang a, knowledge ahihleh a kizakh tam tan in a pung hi.

9. Dangka sum-le-paai ziak a zong (monkey) na kiteenpih leh, hua dangte a bei chiang in zong, zong (monkey) pen a ngai mahbang in a omden diing hi.

10. Kikheelna piangsak diing a neu kisalua na hihleh, thoukang tawh kisaul in na zanhak kha naikei chihna ahi.

11. Pilna ahihleh Baobab singkung bang ahi a, mi kuamah in a mahtang in a kawi theikei hi.

12. Itna ahihleh nauseen bang ahi a, neemtak a kep diing ahi.

13. Numeite hoihna thupi pen ahihleh kamsiamna ahi.

14. Lawm diktak in na lungsung a na laasak a thei a, a thu na mangngilh lezong, aman a hungsak sak diing hi. 

15. Eite’n gualzawhna saang in guallelna ah sil i zilkhia zaw uh hi.

16. Kiletsakna a pumdim na hihleh, na sung ah pilna a diing in room a omkei hi.

17. Lampai na haat utleh na mahtang in pai inla, lamsau pai diing na hihleh, midangte tawh zawkkhawm a hoihzaw hi.

18. Pasal khat in na ihmut kaal a banghiam a hung lawh diing chi a a kichiam leh, pai inla nuamtak in ihmu in, hilezong numei ahihleh ihmu lou in hak tawntung in.

19. Mi maw in thu a gengen a (a phunsia a), mi pil in a ngaikhia hi.

 Bokbakna tungtawn in nauseen in lampai dan a zilkhia hi.

20. Pankhawm haatna ahi a, Kikhenna ahihleh haatlouhna ahi.

21. Naupang aktui gu, inn a hung tun chiang in zep in, bawngtal gu a inn a hung tun chiang in a zekai lua ta diing hi.

22. Pasal khat lai na hilhsiamna tungtawn in, mi khat laisiam na suah hi. Hilezong Numei khat lai na hilhsiamna tungtawn in innkuan khat laisiam na suah hi.

23. Pasal thagum suah gigete’n sil hoihtak a a ngaihsut diing a laau hi.

24. Na pu, na pa bangchia na pha e (bangchia a lian e) chih tawh kisai khalou a, nang pen na khantouh diing ahi.

25. Bawngchingpa lungdamtak a inn a hung tun chiang, a bawngnawi a hoih hi.

26. Mimawte bek in tuipi thuukdan a keeng tegeel uh tawh a teh uh hi.

27. Singsaatna tungtawn in singsaatdan a ki-zilkhia zaw hi.

28. Na meelma tawh lumkhawm ngai numei pen gingta ngeikei in.

29. Pilna tellou theihna pen sehneel lak a tui bang ahi.

30. Tate pen hinkhua a diing a lohman ahi.

31. Zong (monkey) kiang ah singkung a kahdan na hilhkha kei hi.

31. Tuni a loubawl kipan na hihleh, tuni mah in na lou a piangte na ne theikei diing hi.

32. Zawnna pen a haksa mahmah a, hilezong zawnna saang in tangkhatna a haksa zaw lai hi.

33. Na zotna lam na theihkei leh, nung kipatna mah ah nung kiik in.

34. Lunglel kenla, zong lungneu ken, tu a na lunglelhna pen na lohchinna diing a, a kot honna diing chabi ahi.

35. Vangsiatna pen, baihlam leh kinawhtak ahihziak in, vangsiatna in na lawmte, lawmtak leh lawmkhem a hong theisak hi. 

36. Kumpipa pindan veh thimthem mi in a lawmte a betray taangpi hi.

~Compiled by Pastor Thangdoulal Suantak 

Share: