ITLF SPOKESMAN IN THUTAH ASEI AHI

THINGLHANG POST, 17/08/23: Pu Ginza Vualzong, Spokesman, ITLF in thutah aseina chung a slander kibol khum hi society a ding a natna phalou tah ahiding tahsan ahi. Hitobang natna phalou ho hin thilpha lai khat jong asuhset thei ahijeh in akideipon ahi. Sun leh jan a thoukang-vaisi lah a galphol a um ho akilung khat un hinlah hitobang kilungkhat na chu khat ngoljeh leh kampau ngeilou jeh a aset khah ding hi tijat umtah ahin hichun nampi vangset na leh gal mite lolhin na asosah bep ding ahi.

Sir Winston Churchill chu mihem khat in politics a alolhin na thei ding a angaichat qualifications ana dong un ahileh, aman adonbut na a "Jing nikho a, hapta kit a, lhakit a chuleh kumkit a hunglhung ding nasei thei angaiye. Ijemtia aguilhun lou khah jong leh ajeh nahil chen thei kit angaiye" anatin ahi. Churchill thusei thulu/thumantam hi tunikho a helou kihetsah mihem tamtah in anei joulou hi thil khoh tah ahi! Churchill thusei hi thuchang khat a lahchom ding hileh "vision" nei ngaiya ahi. Vision neilou mihem kitichun ahung lhung ding thil imacha ahepon/amupon hijeh chun thu kitihi amot seisei jiu ahi.

 Thisan kibang ineisun uhi ithigui uva long jong leh tunikho a Kuki akinot mang theipoi itiu bang a Zomi jong kinot mang theilou ahi. Mizo, Hmar leh Chin jong chutima chu ahi. Zo chilhah te ngen hijong leu hen ilungput'u hoilou dungjui a chu akisei leh hichu reality ahitai. Hiche jeh a chu Kuki Inpi in mijouse ding a decision asem theilou ding chuleh Zomi Council(ZC) in jong mijouse ding decision asemthei lou ding ahi. Adihtah leh adoltah chu ahileh ajaothei dol jouse kihoukhom ngaiya ahi.

Hitobang dinmun ahijeh a chu Pu Ginza Vualzong in ahiding dol khat chu anasei ahi. Pu Ginza in thil achetoh na ding joh a asei ahibouvin, moh a ahethemlou konkhat in "Tumlet Veiche" itho thu-u ahi. Itoukhom a iki Ah-ngei voh teng unity kitichu pilhing a hichun khonung khoma changeiya kihet them tona asosah theiya chuleh thilpha alhut ahi. 

Mihem in status quo ikhel teng galmi kikilam doh ahi. Migilou, miphalou Meilhei tetoh ikigal nau jong hiche jeh chu ahi. Khel thei lou ding Zomi leh Kuki chu aum um na a umthim sah a iti lam dolla pankhom ding ham tijoh hi amilip in ngaito cheh ding hi apoimo mong mong tan ahi.

 Chuleh, achainan, ITLF kitihi koiman deihih jong leu chun Lamka ten kinep pi tah a kinei ahin; unity sukha thei ding thuphalou leh thungeilou seinan ITLF a gimtah a panla ho hi hinvel minphah da theileu chun kipa um intin chuleh hichu Zo sonte kipumkhat na thei jong hinte.

✍️ Guite Chapa

*via social media

Share: