Khasi Students' Union toh Kuki-Zomi kihouna om

Shillong: Tuni'n Khasi Students' Union heutute toh kithuahkhawmna hun kizang. Tuahun ah amau NESO min a Manipur a Imphal leh Lamka phaksawm ahihna uah thil omdan brief na ki nei. Hiai hun ah Shillong  khopi a Kuki-Zomi makaihna a Protest rally neih ding tungtang kigen khawm a, amau Manipur zin hong tunlam chiang ua (August 3rd nunglam) a zinna uh toh kisai report leh hiai toh kisai kimukhawm nawn leng chi in ngaihdan hon gen uhi. 

Tualou in Innluah vai leh haksatna tuamtuam Shillong Khopi a i tuahte uh kigen in adiakin Drugs toh kisai bang a i panlakdan uleh mi khat leh nih ziaka Nam pumpi in a thuaklouh deihhuai sakthu ki tun. Bangzah hiam te drugs leh thilhoihlou in kipei in om mahleh Kuki-Zomi adiaka Shillong a omte Students te bang siamsinna lama Result hoih pipi ngah kumteng in om gige a, sepna lam ah leng officer hi in govt, banking sector lam hitaleh mi muanhuai leh mihoih atam zawtham kihi ahihna ah hiai dan a ki stereotyped pen hih nawnlou in ahoihloute doukhawm a sualkhawm dingin panlakhawm leng chi'n deihthu ki gen hi.

Thu vantang tuamtuam, Manipur buaina, SOO group te talks toh kisai leh Manipur a Khasi te dinmun toh kisai khong leng kikupna kinei hi.

Hiai hun ah KSU lam apat President, Vice President, Gen. Secy leh Member nih tel ua, eilam apat SSPP President, Vice President(Ext) & Kuki Innpi Meghalaya a Secy te kihel theih in om hi.

Hiai pen informal discussion ei adiaka I pawlpi a VP pu ngetna ziaka manlou sasa sim a hon kimuhpih ahihna uah amaute(KSU) tungah kipahna lian mahmah in maban a leng kithuzak touh a panlaktouh khawm zel hileh chih deihthu gen in kimuhkhawmna lohchingtaka zoh in om hi. 

Share: