MIZORAM CHHANTU PAWL GEN HQRS, AIZAWL: PRESS RELEASE

Date 30th June 2023

MOTTO: Fam dairial pawh chang i la Kan Sakruang Mizoram tan

Mizoram Chhantu Pawl Gen Hqrs Aizawl chuan, Manipur State chhunga kan unau Zo hnahthlakte'n thla hnih dawn lai, ralṭi leh hrehawm taka hun an hmang hi pawi kan ti hle a; he buaina avanga nunna  leh In leh Lo chân zawng zawngte kan lainat takzet bawk.

1. Manipur Chief Minister, N Biren Singh leh Meitei hnamte'n hmasang a tà kan Pi leh Pute luah ram atanga Zo hnahthlak te hnawh chhuah an tumna hi kan dem a, he thil ah hian hniak khat pawh phawi lova tanpui kan inhuam tih kan puang e.

2  Manipur State-a  kan unaute tawrhna, thla hnih champha (3rd July' 2023) a ral hma ngei hian Manipur Sawrkar hian a buaina siam hi chawlhsan tawhse kan duh hle a kan ngen takzet bawk.  He kan ngenna hi hnam leh hnam kara RALKHEL DAR a ni tih hre chunga ngai pawimawh turin kan beisei nghal bawk. Kan ngenna ngai pawimawh lova tharum thawhna chhunzawm zel anih  chuan, a tul anga che chhuak turin MCP te kan inpeih tih lo hre rawhse. Heng thil sawhkhawk ah hian, thil duhawm lo zawk a thleng palh anih chuan Meitei hnam te Cho chhuah ah MCP Gen Hqrs chuan a ngai tawh dawn a. Hmun hrang hranga Meitei hnamte pawh lo fimkhur zual turin kan hriattir nghal e.

3  Manipuri (Meitei)-te hian, he thu hi lo hria se kan duh hle. Tuna Mizo hnahthlak te ram luah mek hi, Burma ram (Kabaw phai) aṭanga Imphal Valley-a Meiteiho pem thlak hma daih aṭanga Zofate luah ram a ni.  

 Leilung dan pawh zah zo lova, Mizo hnam pawi an khawih chhunzawm ngam a nih chuan an thu ni rawhse. Hetiang thil hi a thleng a nih chuan, Biren Singh leh a thurualpuite hi MCP Volunteers leh Operation Group-te chuan kan remhriat dan in kan chhanglet tawh dawn tih kan puang e.

                              Sd/-

                VANLALHUMA KAWLNI

                       PRESIDENT

MIZORAM CHHANTU PAWL, GEN. HQRS AIZAWL : MIZORAM.

Share: