KUFIDA ANNUAL MEET 2023

KUFIDA ANNUAL MEET, 2023 LOLHING TAH A ANA KIMANG

S. MUNPI PARK | 20th April 2023 THURSDAY

Kukite Film Industry um sun Kuki Film Development Association, (KUFIDA) in kumseh a ana man jing KUFIDA ANNUAL MEET, 2023 chu 20th April, 2023, Thursday nikho chun S. Munpi Eco Tourism and Destination, Kangpokpi District mun ah loupi tah in ana mang uve.

Hiche KUFIDA Meet hi kumseh a kumlhun kon December lha leh ana kimang ji ahin, hijongleh tukum ahi Corals Years Anniversary of Kuki Cinema cum The First Kuki Film Fare Award 2022 kin gon lolhing tah a ana kiman doh kipapi najal leh lopna a ngailut Ankong sokhomna kin gon toh kigom a April lha a ana kimang ahi.

I-Session Chief Guest in, Dr Harikumar, Chancellor, Manipur International University ana pang in Guest of Honour in CN. Tongbra, Managing Director, TCM leh Richard K. Minlun Lhungdim chu ana pang lhon in, Functional President in Nu Neinu Haokip, Social Worker chu ana pang in, chuleh Chief Host in Pu Letthang Doungel President KUFIDA chu ana pang'e.

Pi Neinu Haokip, Functional President in KUFIDA T-shirt chu thensona Ribbon cutting ana nei toh kilhon in T-shirt leh Lukhuh 220 val hopdoh ana hiye.

Tuchung KUFIDA MEET hi kum dang a toh bang louvin Night Concert jong ana kibol in, Kuki Namsung a lasathem, Muan Hangzo, Ronika Kom, Tracy Nengboi Baite, Arjun Mangboi Doungel, Emcy Mangcha Kipgen, Andy Khongsai, Mangku Haokip, Nenei Doungel, Anjali Lamneo, leh Unipal Baby hon Zaila ana oi uvin, Joseph Samte leh Mary Vaiphei, chuleh Actor John leh Actress Chingboi Hangmi ho a kon in jong lam nal tah tah vetlhah na ana um'e.

II-Session Night Programme chun Pu Roman Kongjam, Special Contractor chu Chief Guest in ana pang in, Pu Haopu Haokip, Pu Lenpu Haokip leh Pu Romeo Lalboy Haokip hochu Guest of Honour, Functional President leh Chief Host in ana pang uve.

Tuchung KUFIDA MEET achun Corals Years Anniversary lolhin theina dia pan la Celebration Committee ho kipapina leh Filmfare Award nikho a pan la ho kipapi na jong ana um e.

Chukitleh KUFIDA kivaipohna Term khat 2018-2022 sung a Kipapi ding a kilom mi phabep kipapina KUFIDA AWARD peh dohna jong ana um in, Award sang ho list ana veu hite.

KUFIDA AWARD TERM 2018-2022 ANA SANG HO:

1. Best FIRM-COMPANY:
■ Khaosat Film Company

2. Most Active Director:
■ Franky Suantak, Eimi Media

3. Most Popular Actor:
■ Tony Sangboi Singson, Eimi Media

4. Most Popular Actress:
■ Chingboi Hangmi, Deinou Film Company

5. Best KUFIDA Member (Male)
■ John K. Touthang, Ninou Film Company

6. Best KUFIDA Member (Female)
■ Lynda Haokip, Khaosat Film Company

7. Best KUFIDA Executive Member:
■ Deff Mate, EM Tengnoupal District

8. Most Contribution: (💰)
1. ■ Silas Khaiminlun Haokip
2. ■ Elby Lupho Hangmi

Hiche Award hohi KUFIDA kivaipohna kum 4 sung a kipapi ding a kilom hochu ahi uvin, amaho hin Alam Alam a apan lah nau kipapi najal a hitobang kipa thilpeh Award hi ana kigong ahi.

2023 KUFIDA Meet ahin Bongchal khat in TT Battalion KNO/KRA in ngailut Ankong khat ana sem uvin, KUFIDA MEET a hung kalsong jousen ngailut Ankong ana sohkhom uve.

Courtesy: ~ KUFIDA NEWS 

Share: