Zoulai Script inaugurated in Behiang

ZOU GAL DAY-ZOU SCRIPT SUONG HONNA LEH ZOU TON

Jani 17th March 2023, Friday ni a, Behiang a Annual Assembly leh Zou Gal Day 'cum' Zou Ton ina neina uh, North East Live News Channel in  genkhah in hingnei ahina ah,, LAMKAI TE tung ah kipah huoi isa mama uhi. Mite theiding in kilom leh hoi mama hi. Tualeh, Zou Gal Memorial Cemetery a phamsa galhang ipu-ipate uh jaana ipiethei ban ua, Zou Script Suong honna zong ana kineita hi. Zou lai-Zo Script kizang pen zong hing gen kha ahiman in, ilung dam mama uhi. Lamkai te izana salaam ipie uh ahi. !!! Mihing khat leh namkhat hina a, itondaan-ichiin ngainate uh kepbit a puophat ding ma ahi. Thamlou in kineusah pongsan ding ahisih a, ipu-ipate in kum 3 jen, MIGHTY BRITISH te bon na nangngam sam uh ahi chi manghil sih va ui. Koi in bangteng gen zong leh CHIKIM-ZOSUON te ipangkhom thei nading a, constituent tribes tengteng abon a, iki komtuothei uh poimo hi. Tuabang a, unau kitheituo leh ki huoituo te dinmun a idin ni ding uh, gamlaa nonlou maithei ahi. Zosuon te ihi ua, Kolgam ah CHIN, Mizoram ah Mizo, Manipur ah Kuki in thei in ium uhi. Tripura leh Bangladesh ah mintuom puo in unau hunkhop inei ua, even in Nagaland & Assam ah zong i-unaute uh simtham ching mama uhi.

Iki theituo ua, iki ngainattuo ua, iki komtuo ua, UNAU khat ihi iki chithei uleh, khantouna thei lampi zong hing umding ahi. Khat leh khat iki ngainattuo ni chieng ua, mite jaataatna leh pataat itanthei pan ding uh ahi. ITAWNDAAN-INGAINA (Traditions) te hoitah a ikepbit ding uh ahi.

~ M C ZOU

---------------------

Tuni (17-3-23) ni in UZO Gen. Hqtr in Zoulai (Zou script) suangphum hon na, Behiang vangkhua Zou Gal Cemetry mun ahi nei ta uhi.

Tami Suangphum ahi le  Pu Pauzakhup in lakh 2 val bei a adonate ahi. 

~ Zodawn Today

Share: