Peaceful mass rally against unlawful eviction of tribals/hill people in Manipur

Office of the

Kuki Inpi Delhi & NCR

------------------------------

DELHI & NCR A UM NAM MIPI TE JOUSE HENG'A HETSAH LEH TEPNA

Pu leh Pate in Thingkho leh Melcha ana min pat uvin, thisen, naisen leh hinkho tam tah phel ngam in, Gam leh Go ana huh doh uvin hiche Gam leh Go chu Kuki gam ahi tin vannoi het in thusim bu ah ana kisun lut tai.

Ahin tukhang in Pu leh Pate in, thisen a eina huh doh peh uva eina dalhah peh u, Gam hop jouse chen khompi chidang nam dang ten Govt.Act./ Policy chom² mangcha in, a onglai jeng jong um thei talou vin Reserved/Protected Forests, Wildlife Santuary, Wetland etc. pan in, eihin lah peh pan ta uvin ahi.

Chung a kisei jouse hi kuki te ki noise na leh ki musit na keu hilou vin chamna deijing kuki nam mite gam duha thuh tah kengpum leh  namphu a lah peh ding tina ahi tai.

Gam leh Go thu ahi tah jeh in, nop leh da thu um lou va, ahung lhung ding nisim 10th March-2023 (Friday) Mass Peaceful Rally chekhom dinga hungcheh dingin minu, mipa, nungah, gollhang jouse Kuki Inpi Delhi min in  tep na leh ngeh na ahung kinei e.

RALLY NIKHO:

FRIDAY, 10th MARCH, 2023

APHAT: 11:30 AM

AMUN: JANTAR MANTAR, NEW DELHI

Gam leh Go thu akiti  teng agam nei, agam pu um jing ahi. Epi thudan a agam nei te chu agam neilou dan a ei kisei jing u ham? Hiche Gam leh Go thu a lungkhat, thakhat a pan ilah khom lou u leh khonung leh etu, echate u chidang, nam dang te khut noi a soh leh kol a hentang a hung um khading u ahi. Ka nam mite ho egam'u, chung'a thil hung lhung jouse hi Gam leh Go Galpi khat ahi tah jeh in, Pu leh Pate ana hansan nao hou tuni nikho a eihon jong athah beh a egel doh uva lungkhat, thakhat a gam huh khom cheh ding in mipi avel in ekitem uve.

                  Sd/-

           Lhangsam

Kuki Inpi Delhi & NCR

Share: