Khuasung leh gamsung
khat ah mi tampi kiteng khawm a, a hau leh anuamsa bang om a, a tasam leh
genthei zong om hi. Hindan leh khosak dan a kibang kei hi. Israelte lak ah zong
tuabang in om hiding hi. Pasian thu suisiam minthang mahmah Thomas Aquinas in,
“Mihausate pen migentheite enkoltu ding a Pasian in a hauhsat sak ahi a,
tuabang in migentheite zong mihausate zalzou ding a Pasian lemgel ahi.
Migentheite in nek ding a neihlouh jiakin mihausate tanghou a guk a ahihleh, a
diklou zaw pen mihausapa ahi a chi hi. Tasam leh gentheite tung ah Israelte
zong silphal lou a chiptak a a-om ding uh Toupa'n deihlou mahmah hi. Toupa'n
mihausate kiang ah panpihna lungsim nei a gentheite a dia kiphal ding ahi chi'n
thu pia hi.
Laisiangthou in “Mizawngte
hehpih mi pen mi nuamsa ahi a chi hi (Prov.14:21).” Pasian khotuahna tasamte
leh gentheite tung ah om hi. Mother Teresa kiang ah mi khat Khuswan Singh kichi
pa'n, “Bangziak aphakte leh natna hoihlou pipi vei migentheite tuabang a na
puikhawm a na etkol ahiam” chi a adok lai in, Mother Teresa in,” Mi zousiahte
sungah Jesu ka mu a, a gilkialte Jesu gilkial bang in ka mu a, damloute zong
Jesu damlou in ka mu hi” chi in dawng hi kichi hi. Mother Teresa in Jesu a it
na bangbang in gentheite itna zong a nei a khotuah ahi chih i-muthei hi. Mi hehpihna
lungsim neih pen Pasian deihlam ahi hi. I Bible in a huat mahmah bel gentheite
nuaisiah a totden ahi. Jesu itte it theih a, a ngaih poimohte ngai poimoh thei
ding a lam-et leh Amah zuitute ihi uhi. Kuopeuh in tasam leh gentheite tung a
silphal tak a ipiaknak uleh Pasian
deihlam leh a thu piak bang a sem ihi
ua, Pasian zong a kipak ngei ding a, sepgim thaman khatvei chiang mu ding i hi uhi. Toupa muang kawmin septhei dandan
in sem jel jel ni.
***05022023****
.jpg)
.JPG)
No comments:
Post a Comment
Comments not related to the topic will be removed immediately.