Letzamang Haokip visits K. Songjang village

Henglep MLA Pu Letzamang Haokip in K. Songjang village ading langva (CGI sheet) ana pe.

HENGLEP (26/02/2023) --- Tuni nisim 26th February 2023 nichun 57-Henglep (ST) Assembly Constituency MLA Pu Letzamang Haokip in tunaicha a K. Songjang anakibol jeh a inn-le-lou chenna ding neitalou khomipi inn 16 ho adin langva Corrugated Galvanized Iron (CGI sheet) ana pe in ahi.

Hiche langva pehdohna kin chu ahile K. Songjang haosapu jaona a KKL Leimata, Leimata Chiefs' Association (LACA) leh KSP Leimata Block lamkaiho jaona a ana kibol ahi. Tunia langva kipe chu ahile K. Songjang kho inn abon uva inn 16 ading; inn khat a piece 39 cheh leh houinn sah nading a langva piece 40 ana kipe ahidan amun a relief and rehabilitation lang avesui KKL Leimata Block akon thulhut kimuchun aseiye.

MLA Pu Letzamang Haokip in tuchung a thilsoh hi vangset umtah ahidan aseina banah lam chom chom a pan alah jingpeh ahitolhon in gamsung mipiho lungling-lao lou ding in lhamonna thu jong aseiyin ahi. Gamsung a chamna le lungmonna a um theina ding a panlajing Church, frontal organisation, CSO ho leh adeh a Henglep gamsung boina chung a aphat le akhohdan dungjui a Government lang a kon lam chuom chuom eikithopijing u Tribal Affairs Minister Pu Letpao Haokip pachat a umdan leh akipana jong aphongdoh in ahi.

Leimata Area Chief Association (LACA), K. Songjang Haosapu, KSO Leimata Block leh KKL Leimata in Henglep MLA Pu Letzamang Haokip in hitobang apanlahna chung a kipathu asei uvin ahi.

Source: Henglep Today

Share: