Kuki National Assembly NEI visits K. Songjang village

Kuki National Assembly NEI in K Songjang kho vil na nei. 

TUNI nisim 24 February 2023 nin Kuki National Assembly NEI Central Cabinet Committee Pu President Dr. Jainson Haokip,  Pu.D.Haokip Vice.President,Pu. P. Thanglianlal General Secretary, Pi, Tinjahoi Singson. Gen.Secretary,WW Pu. James YT Haokip Secretary Organizer,  Pu Paokhotinthang Secretary Youth chuleh Executive Members, District &ACs President mi phabep in    K. Songjang vangkho vil na agakinei in ahi. K. Songjang kho hi government in eviction anabol jeh uvin akho mipi ho Joujangtek (Lambung) kho in chenna leh gena ana gon peh jeh uvin Joujangtek Haosapu inn a kivailhun na le kingon chomcha ana kimang khom in KNA NEI in khankho chonna dol in thilpeh na le panpi na ana kipe in ahi. Kin gon akiman na a Pu President KNA NEI in thil umdan lhang pi houlimna anei in KNA NEI doi le tup seina anei naban a KNA NEI political party suh hat a i gam le go uh huhna keu hilou a zalen tah a ikhosah theina diu umsun ahidan asei in ahi. 

Pu President in K. Songjang Haosapu Pu Lhunthang leh Joujangtek haosapu Pu Henkhopao loinu Pi Nengboi haosa ponsan silpeh na anei in ahi. Pu James YT Haokip Secretary Organizer KNA NEI in jong houlim na le tilkhouna anei in ahi. Haosa in Pathen hetpi na a kho le veng sem ding thu le kho documents ho kitup sel a nei cheh apoi modan asei in ahi. Pu Lhunthang chief of K. Songjang in KNA NEI lamkai achekhom cheng koma kipah thu sei na leh reports peh na akinei in ahi, aman asei be na a eviction chenna   akisuse hi inn 15 ahin hiche lah a chu inkon 3 mitoh chengbom ahi in abonna in family 18 tina ahi. 

Pu General Secretary KNA NEI in eima political party poimo dan seina anei in chuleh khankho dol in thil peh na anei in ahi. Thil kipe ho ahileh - 1. Anchang 2. Allu, 3. Onion 4. Chini, 5. Ankam thao, 6. Dal, 7.Bongnoi, 8. Chache leh 9. KNA NEI 2023 Calenders. Hiche achunga kisei cheng hi Haosapu Lhunthang kommah peh dohna akinei in ahi. Kingon kichai na ding in Pu Thongmang Haokip Secretary Joujangtek (Lambung) village Authority in  kipa thusei na anei in chuleh khosung mi munni ah a um in tuchung thilsoh nachung a Joujangtek khosung mi leh Haosapu in pan alahdan ho seina anei in ahi. Khosung haosapu Ccpur a  meeting khohtah a umjeh in kingon a pangthei hihjong leh khosung authority members leh Youth club lamkai hon KNA NEI alam to nao leh angailut dan seina jong anei in chuleh ngailut annkong soh khom ding  agon uh toh kilhon in kigon kichai naleh ankong taona Haosapi Pi Nengboi in Pathen henga anei in kingon chai ahitai. 

KNA NEI in nampi ngailut naleh K. Songjang khosung mi ngailut na jeh a agakivil nachunga kinephahlou tah in ngailut ankong ana gon naochung a seijou lou kipah na Joujangtek khomi te koma KNA NEI in akiphong in ahi. 

Gam leh nam ding in! 

Pu Paongam

Secretary Information & Publicity

KukI National Assembly NEI

Share: