Kuki-Chin-Kuki observed Feb 20 in unison

KUKI-CHIN-MIZO TEN KUT MANGKHOMTA

Athu a kiseijing, lekha a kijih Kuki, Chin leh Mizo hohi pakhat kailhah thisan khat ahiuve tia ana kisei jing chu I Bible un Thu chu tahsaphe ahung chang tai kiti bang in tuchung nisim 20th February, 2023 nikho, Vanapa Hall Aizawl Mizoram mun ah tahsa tah in kimuto na ana nei uvin, nisim 21 nikho in kilung toh tah in Kuki-Chin-Mizo ti thucheng thum a ki kan khom a kitho khom jing ding in kinopto na leh unau ankong sokhomna ananei taovin ahi.

Hetding khat chu Chin te hi kiloikhomna neocha cha 9 ana nei u ahi'n hitobang ama ama ho kiloi khomnao jouse pailha'n kilung toh tah in Chin National Day 75th lhinna Diamond Jubilee chu ana mang khom uvin ahi.

Hiche nikho hin, Mizo te jouse thalheng in Mizoram Chief Minister Pu Zoramthanga Chief Guest in ana pang in, Chin te thalheng in Chin ex. Chief Minister Pu Salai Lian Luai a pang in ucha thum, Kuki Chin Mizo lah a ucha a kikim lou jeh in athom hao thu u ahinphong uvin hitolhon chun Kuki Inpi Manipur chu khoh tah a kou ahitoh lhonin Kukite jouse thalheng in Pu Ch. Ajang Khongsai, President Kuki Inpi Manipur in pan ana la'n houlimna jong ana neijin ahi.

Hitobang a Kuki-Chin-Mizo ucha thum chu khang thusim a ding in kikim del in pan ana la khom uvin Kut ana mang khom taovin, hitichun thusim thah bul kipatna jong ahitan ahi.

Kin kiman na ah Central YMA, MZP-GHQ, MSU-GHQ, ZoRO-GHQ, Dr. Ngai Tam Muang, MP Chin State ho'n houlimna bannei chan ana nei uvin ahi.

2nd Session in Ucha kipumkhat kipa na'n "Insuihkhawm leh Zai I rel ang u" ti thupi mangchan Concert ana  nei uvin ahi.

~ Huilhi Media

Share: