Kuki Artiste Progressive Union (KAPU): Press Release

Achesa phat le nikho a Kathuong Village Haika Sajik Tampak a ZOU MINAM NI kingon kiman na a KAPU members Ng.Helamboi Baite stage performance pet tah a respect um lou tah le noise tah a songa kise na video clips hung viral nachung changa ahin, Kuki Artiste Progressive Union (KAPU) in hitobang um chan hoi lou leh phalou artist ho chunga phat khat khat leh alhun jing kei hi phamo akisa in demna sangpen ahung kinei toh kilhonin, hiche case hi Ng.Helamboi in KAPU khut a ahin peh lut toh kilhonin hiche nikho program a organising committee in hitobanga chonval na nei mi ahin holdoh a agang thei pen a ngaidam thumna ahung nei ding uvin hetsah na ahung kinei in ahi.

Eiho Kuki society sung hi program khat aum le Artist laa sa bei a program lolhing lou tobang nam mite ihi uvin, artist in laa asah le ikipah uvin nom isaovin, ahin lah vangset umtah khat chu artist kiti profession hi athupi na hetpeh lou le respect bolje helou mitam pi akium nalai in, hiche jong hi ikhan tou lou nao khat ahi jeh in phamo akisa lheh jengin ahi.

Hijeh chun nam mite henge KAPU in appeal hung kibol nom chu ahi leh laa sa inei hou hi ngailut na leh jana neitah in kisin uhitin, mite muset le vetset thei ding umchan khanchan ho bol tapoute tin temna ahung kinei in ahi.

Hitobang thilsoh deilou khonunga ahung um kit a ahileh KAPU in jong artist rights huh na a hitobang hinbol doh mi ho against a kipang jing ding ahi ti jong hetsah na ahung kinei in ahi.

Sd/-
Information and Publicity Department
(KAPU)

Share: