Israel leh Arab Ni 6 kidona

1948 kum in, Israel in suahtakna a ngah uh ciangin Jordan te lungkim loin thau pi tawh nasiatak in kap uh hi.Gam thak din akipat phet un,galvan leh galkap zong tam neih lo uh a,Israel pen suksiat leh bei mangsak ding nasawm uh a,ahi zongin maizumhuai tak in lel kik uh hi.1956 kum in,Arab tawh nasiatak in kido uh a,Arab in lel uh hi.Ni 6 kido na,aki ci,1967 kum in Israel nado huan leuleu uh a,ahi zongin lel kik leuleu uh hi.Egytp gam kumpi aki tel uh ciangin Israel gam ka susia thei ding hi aci ngam te bek kumpi in tel uh a,hih hunlai in,galkap General lui mipil leh agilo mahmah ahi Anwar Sadad Egytp president dingin natel cing uh hi.paulap tuamtuam zongin Israel do ding hong kipan a,Russia in tha nuampih mahmah hi.Egytp leh aki pawlpih te kiangah galvan hoih nono pia khia ziahziah in,Arad gamte in,a sathau namgimtui man te-uh pammaih sa loin galvan lei nadingin zangkhia ziahziah uh hi.Russia te-in Egytp leh aki pawlpihte kiangah galvan akisia a omleh athak tawh kong khek ding uh hi ci-uh ahih manin tha nuamthei mahmah uh a,gamdang Ambassador thu nei te kiangah na-en gige un,tu tungin Israel gam ka susia ding uh hi ci-in ki muangtak in pau khia phengpheng lel uh hi.

1973 kum October kha ni 6 ni pen khua pha in nisuak zong etlawm mahmah a,ahi zongin tua nipen Judah te ni thupi ni Yom kippur acih uh antang a,athunget ni uh leh zum ki khak ni,mimal nasemte zong nasep akhawlni uh ahihi.Tua nipen mi pawlkhat te-in lai na ngawn simlo uh hi.Hih nipen Israel gamsung han mual tawh kibangin ngamdai mahmah a,Radio,Television leh Program te zong khak cipkhin uh hi.

Hih ni sese in,Arad gam akipawl khawm tengin Israel gam do dingin ki thawi uh a,Israel do dinga apai tepen, Egytp, Syria, Jordan, Iraq, Lebanon, Algeria,Kuwait, Libya, Morocco, Pakistan, Plo, Liberation, Sudan,gam 13 te-in, a galkap te-uh paikhia sak ciat uh a,hih hunlai a Egytp Defence minister pen Haffez Al Assad hi a,Egytp gambek in,galkap 800,000 Thank 1700.galdo na mawtaw thank akapsia thei 2400,thaupi 1120,gal vanleng 400,tua lo Russia bawl vanleng kapna bom mit nei,150 te tawh Sinai sehnel gam ah,napai khawm diamdiam uh hi.Mal lampan in,Expeditionary force akici Arab gam aki pawlkhawm te galkap Syria makaihna tawh 250,000 Tank 1300, thaupi 600, mawtaw thahat 700, te pen mitsi gamkuan bangin paikhia zuahzuah uh hi.Arab gam tawh akipawl khawm galkap khenpeuh pen galkap 1,067,500 leh Tank 3600, thaupi 1720,mawtaw thahat Armouredvehicles tank kap thei Machine leh thaupi lian mahmah te 4000, gal vanleng 452, Helicopter 150,te ban ah Mediterranean tuipi pan in,galdo na tembaw neu te 104 te tawh galkap leh galvan buppi gawm pen leitung galpi khat lai a,Ei Alamcin mun a,Germany General Rommel galkap leh Britsh General gal hang Montgomery galkapte vanzat gawmkhop te sangin tamzaw uh hi.

Tua hunlai in Israel gam ah mimal 500000(lakh 5)zong pha zolo uh a,galkap 100000(lakh 1)khawngbek pha uh hi.mimal galdo thei ding kum 18 pan 50 ki kal te leh galkap teng gawmkhawm leng zong 400000(lakh 4) khawngbek pha uh hi.Tua laitak in Israel gam a makai ahi galkap minister Moshe Dayan hi a,a mit langkhat ahoih lo ahihi.Tua hunlai a, Israel te galvan pen Tank leitung galpi khat lai a,aki zangsa abawl kik te uh leh nidanga Russia in Arab te apiak uh amatsak te uh leh American te aa,leh France te aa,alei uh aki gawmkhawm in,Tank 800,gal vanleng 300,mawtaw thahat 360,thaupi 150 nei uh hi.

1973 October 6 ni,Israel te ni thupi ni tawh aki tuak lian in,mal lampan in Suria galkapte naki pan uh a,sim lampan in Egytp galkap te napai khia uh hi.Tua lai a,galkap 200,000 te leh tank 1200 te-in Sueze canal kan in Israel khenpeuh matkhit ding nasawm uh hi.

Tua ni pen Israel te ni thupi ni ahih mah bangin aki ginloh laitak uh a,ahi zongin(duty)gal pangte ki cian mahmah uh ahih manin,Irab gal vanleng tank honpi te leh galkap honpi te paikhiatna pen a-minute na gawn in nathei uh hi.Tua ciangin Israel gamsunga Radio TV te khenpeuh leh galkap vanzat tuamtuam vanleng Tank te pen aset nungta sak ziahziah uh a,tua ni Israel gamsung ngamdai mahmah kimlai tha khat thu in hongsa henhan pah uh hi.Mipite omdan ding leh galkap te omdan ding genkhia mengmeng uh hi.Galkap munpi Tinai ah nungak mel hoih nono te galkap dingin ki thawi uh a,zato inn khenpeuh a,dam lo agimlua lo teng paikhia sak uh in,galkap liam te adingin lupna awng koih khol uh hi.Tua khit ciangin Golan gam Simlam a,a om Suria galkapte leh Israel galkapte tawh nasiatak in kikap uh hi.

Sinai sehnel kuam a,galkap hangsan sisan sa vatvat Egytp galkapte 200,000 leh tank 1200 te-in,Sueze canal nakaan khia ta uh hi.Tua ciangin canal galkhat a,Israel galkap tawmno khat galvil a,a omte umcip in na man uh a,a-ut bangbang in bawl uh a,vua gawp uh hi.Tua ciangin Israel galkap honkhat te in,Sueze canal tungta uh a,Egytp galkapte tawh ki kappah ziahziah uh a,thaupi khu leh bom khu tepen vantunglam ah khuapi khat katna meikhu bangin ki zialto hanhan uh in,vangtung sangah gal vanleng leh gal vanleng kikap uh a, nasia mahmah uh hi.Arad leh akipawl pih te zat Russia bawl vanleng kapna hoih mahmah ahih manin Israel te in thuak lah mahmah uh hi.Tua lai in American te-in Israel te galvan pia manlo uh a,ahi zongin akipawl khawm gamte in zong Israel te pen thuak haksa nasa veve uh hi.Ahi zongin Israel te kulhpi a muanhuai mahmah Berlev line pen Egytp galkapte in nala uh a,Egytp galkap General khat Gen,Shazli in Egytp gamsung Tv leh Radio te ah Berlev line khuapi pen i galkapte in lata uh hi ci-in genkhia a,Cairo leh Arab gam mipite nuam mahmah uh a,Israel minam te beisiangkhin uh hen ci-in awng ziahziah uh a,a gualzo suak dingin ki lam en uh hi.

Mal lam a,aki kapna uh pan in,Israel galkapte mai nawtzaw uh a,October 16 ni-in Arab gam akipawl khawm te aa,tank 800 kiim bang na matsak uh a,mun tuamtuam ah galvan aki halsak nate uh hangin meikhu om kawikawi in,mal lampan a,apai ahi Egytp galkapte in munthum pan in,pan la uh hi.Berlve line kulhpi alak khit uh ciangin Milla pass zong Egytp galkapte in nala leuleu uh hi.Ahi zongin Israel galkap te nungkik sawmtuan lo uh a,Egytp tank te leh galvan te mun tuamtuam ah na halsak kawikawi uh hi.Tua lai a,akikapna uh pan in,Sharon leh apawlte in Egytp galkapte nazo uh ahih man un,a kulhpi uh,nala kik thei uh hi.Egytp te adingin na mahmah ding hi.Israel te in,a mawtaw te uh leh tank tepen Egytp galkapte aa tawh a-mel kibangin aza nuh uh ahih man un,Arab gam akipawl khawm vanlengte in amau aa,sa uh ahih man un,bangmah cilo uh hi.Gen Sheron te pen Cairo lam ah kiptak in ding uh a,Sueze canal sak lam a,Egytp galkapte vanzat leh Supply lampi khenpeuh khak ciptan uh hi.

Israel galkapte thahat kik mahmah uh a,Sueze canal ngah kik khin uh a,Egytp galkap 3rd Army te galvan tawh ki muang mahmah uh a,Russia te-in na galvan akisia te-uh athak tawh kong khek pahpah ding uh hi acih hangin an leh tui zong nei nawnlo uh a,gilkial dangtaak in om uh hi.Israel galkapte Damaska khuapi pan in,km 70 na mun ah,pan mun la uh a,Suria tank leh val vanleng te acii dingzong koihsak loin suksiatsak khin uh hi.Egytp galkap 200,000 te pen Israel te khut sungah akipiak kei uh leh an leh tui loin siding uh hi.Egytp kumpite in agalkapte uh an leh tui apiak theih nading un,UNO ah huhna anget uh kul ta hi.Tua laitak in,Israel defance minister Moshe Dyan in General Tal kiangah hih i gal tui nei lo an nei lo te,avek in that khin in ci-in thu pia a,ahi zongin Gen Israel Tal in na nial hi.

Arab gam akipawl khawm galkapte tuiduh dangtaak a,a omna te-uh Russia in atheih ciangin nasa mahmah hi.A galvan hoih te-uh zong Israel te-in suksiatsak khin uh ahih manin heh lua kisa in agalkap hangsan te paisak dingin ngaihsutna na nei a,Helicopter pawlkhat lengkhia sak man hi ci-in kigen hi.

American te-in zong galdo na tembaw te aki thawi sa in koih khin uh a,US secretary of state Hery kissinger pen Moscow ah pai-in Russia makai pipa Mr,Brezhner na tawnggawp ahih manin Russia leh American akido ding uh themkhat bekbek in sam hi ci-uh hi.

Tu-in Jerusalem ah gam pawlkhat te-in,embassy koih sawm ciat uh hi.Syria buaina bek hi loin Iran te-in Israel nato den uh a,Russia inla amit hem in,na en giau giau khin ta hi.America inla president a neih khenpeuh lak ah apilpen alungtom pen phamawhsak a nei lo a neih laitak uh hi a,leitung pen galpi 3 na,a nai mahmah tawh kibang hi.Mipil Xi ji ping leh politics a,a ma langkhat te thu hoihtak tawh apaipih thei leh KGB Agent lui tual thahna siamna traingning asin giat Vladimir te-i, to-na lel tak ci-a bangmah a,asimlo Christion te agum vilvel Donald Trump in,Israel te gal lel ngei lo a,anungta Pasian in,apanpih lam nathei gige hi.

~ Zomi history group

Share: