AZIAK gimthuakna pen leivui apan a hung pawtkhia, ahihkeileh buaina zong zong lei lak a hung mengkhia ahituam kei hi. Meisi tunglam a a lentou bang in mihingte pen a buai ding mawng a piang ahi (Job 5:6,7).
Khovel a i hin sung in buaina, gimthuakna, haksatnate mihing te'n i thuak ding mawng ahi chih theisiamlou in, a hung kipat dan leh banghang hiding hiam chiin ngaihtuah in lungkhampi in i omkha thei zel uhi. Leivui leh lei lak a hung pawtkhia hilou in Pasian in a buai ding mawng a hung siam ahihthu i mu uhi. Pasian namtel Israelte zong a thu manglou a, helhat a a-om chiang un buaina leh haksatna tuamtuamte a tuak zel uhi chih i mu thei uhi. Ahihhang in tuachi pipi in zong Aman akikou husa uh aja in, a gentheina te uh a ngaihsak zel hi (Sam 106:44).
Kisik a Pasian lam a kihei a, athupiakte azuih hun chiang un buainate leh haksatnate pan suakta zel in chidam leh lungmuang in a om thei zel uhi.
Tualeh Topa Jesu'n hung chialna bang in i lungkhamnate , i puakgikte i bahsam hunte ah Amah kiang juan lei,hung puakpih in hung khawldamsak zel ding ahi. "Nou semgim leh puakgik puate ka kiang ah hung pai un,kei man khawlna kung pia ding (Matt.11:28-30)” a achih bang in i muang ngam ding uhi.
Bangteng hileh buaina, haksatna, puakgikte a bawlpa Pasian in a thuak mite dia sil phatuam a bawl zel ahih dan i Bible in hung hilh dan ahihjiak in, akipatna Pasian ahihdan manghilh lou in, Amah kiang ah tut zel lehang damna leh lungmuanna hung pia zel zaw ding hi. Amah muan ding dan hung sinsak ahi chih phawk ni.
=12022023=
.jpg)
.JPG)
No comments:
Post a Comment
Comments not related to the topic will be removed immediately.