Tang 10 na a kimu dungzui in, Philippi saptuamte in Paul ana panpih
sawm zel mahleh uh, panpih theihna ding hun lemtang mulouh uhi. A tawptawp in
hun lemtang muh in, ah panpihna silpiakte uh thongsung a um sawltak Paul kiang
ava tung hi. Sawltak Paul zong kipak mahmah in, kipak thu a hung gen hi: “Toupa
ah ka kipak hi” a chi hi. Pilippite kiang bek hilou in Pasian kiangah zong
kipak thu Paul in a gen hi, Philippi saptuamte panpihna silpiakte ziak in.
Leitung in siat lam manawh zel in niteng in kitha, kimat, kikhem
chihte in ih bilte uh a deng zing hi. Hibang kawmkal ah, gammial nasepna in
masawn zel hi. Mi tampiten sum leh pai seng in gammial na kitatlou in a sem
uhi. Tuate ziak in leitung a missionary tampi um in, Pasian gam lakna a pai
zing hi. Leitung a missioanary sawl tampen US te ahi uh a, kum 2010 in US in missionary
1,27,000 a sawl khia uhi. (Based on Christian Today website 16 July 2012), eilam
a missionary nasep hat a kichaimteh Mizo(ram) ten kum 2011 in missionary 2,382 a
sawl khia uhi. Ei zong bangzah hiam isawl uhi. Hih thute pen a kipakhuai good
news ahi.
Leitung a gammial nasep paizingte ziakin Pasian kiangah kipak thu
igen ngaih uh hiam? Igen khak nai kei uleh, igen ding uh ahi. Pasian lenggah
huan a na sep khomte ihi uhi. Ih nasep hoihte ikipahpih dinguh ahi. Midangte nasep
ikipakpih lai in, ei nasepte ziak mahmah a zong Pasian kianga kipak thu igen
ding uh ahi. Missionary box a ih sum khaitte, ginna thuciam a ih sum tuakte, ih
silpiak tuamtuamte in missionaryte kiangah kipakna tun hi.
Ih gammial nasepnate in Missionaryte kipak sak a, Pasian zong a kipak
ngei ding hi. Ei zong ikipak ding uh ahi. Na silpiakte in khalam kipakna a hung
tung hiam? Ih silpiakte in khalam kipakna a hung tut ngeingei ding ahi. Toupa
aw ka kipak hi gammial nasep theih in nung koih chia Pasian kianga kipak thu
gengen pen Pasian deihna ahi.
-29012023-
.png)
.JPG)
No comments:
Post a Comment
Comments not related to the topic will be removed immediately.