September 19, 2022 (Wednesday): Tuni (Aug 14, 2022) SBMC biakinn ah Lamka, India pan US, Viginia ngamke, Liberty University ah Music tawh kisai sangka tuh hong pai tangvalno Tg. Sangmuan Guite ( kum 18) kiim khat hong kikhawm hi. Ama sia Pa Thawng( Pu Ngo Cin Thawng Sunatak) nah hong kikhop pui ahi hi. Pa Thawng te kungah zintung ahikom hong kikhop pui uh ahi hi.
Kikhop hunsung la tomnote version tuam tak tawh solo la hong sa hi. A la sakdan (version) hoi kasa aa, zong khangno khat in hibang aa version tuam tak tawh hongsak thei sia thupi le ka pakta pai hi.
Amasia azeini( Sataurday) ni pawlpi bub tangtha kuanna ah zong hong kihel hi. A septhei bang seam va tang hi. Pa Thawng ii mealheak khat hi tuh ci aa ka na um maw phot hi.
Kikhop manzawk ciang biakinn nuai ah an kinetek hi. Ka tona table awnglai ahikom, Pa Thawng in NGO PI kungah to tawng ci in hong to uh hi. An ne kakawm, thu son kakawm in Pa Thawng in ong metset aa, ka thum ma in thu kason khawm uh hi.
Koi sungpa hong pai hi a, bangvai tawh hong pai niziam cite a kipan kana ki dong tato uh hi.
“Manipur ngamke, Lamka khuapi pan kong pai aa, Liberty University ah music(vocal and piano major) tawh kisai sangka tuh in kong pai hi” hong ci hi.
Pa Thawng tawh koibang aa kikhawm thei ni ziam kana kici uh hi. Pa Thawng te kung ah zin ka tung hi. THE SUANTAK HOUSE ah zin ka tung hong ci hi.
The Suantak sia bang kana ziam? ci-in hong dong kik hi. Suantak cisia “Sizangte ii pianna pa” “ The father of Sizang or the Root of Sizang” ci-in kana zo kik hi.
“Abraham, the father of Israeli” tawh kibang hi kana ci thua uh hi.
Pu Suantak cisia Sizang mi akicite ii pianna ‘Pu’ ahbl ih pianna ‘Pa’ hi. Sizang mite pianna a bulpi ahbl a zungpi (the root ) tatak ahi hi.
Sizang mite ii ih pianna ih pa/pu sia akua tatak ci sia phatak sonthei, pulak thei kahikom, keima tumtak kalung akim peuma hi.
Mr Ngo Pi Suantak Frederick, MD
.JPG)
No comments:
Post a Comment
Comments not related to the topic will be removed immediately.