HAUPI KHUA TANGTHU: THANGKHAL

1. KHUA KISAT NA

  

              Haupi khua pen nidangin "Thangkhal khua" kici a,Thangkhal a kici mipa khat in beh leh minam dangte tawh Thangkhal khua satin tuapen THANGKHAL khua a kici ahi hi.Tua a satpih Behminte hih anuai a bang ahi hi;

  1.Thangkhal beh   2.Buansing beh

  3.Gualnam beh    4.Mate beh

  5.Tawmging beh  6.Naulak beh

  7.Lushei zongteng

  8.Vaiphei zongteng

  9.Telngawk beh

Kum 1870 kum ciangin Tedim khua panin Pu Za Tual in Mualbeem Hausapa (Za Pau) kiangah Thangkhal khua lei-in tua-a kipan Za Tual khuasat ci-in kiciamteh a,tua-a kipanin ukpi hausa semin siahtung siahphei ne hi.Tua laitakin Pu Za Tual(Sukte),Pu Hem Dam(Gualnam),Pu Lam Dong(Buansing),Pu Hen Thawng(Tawmging),Pu Hau Khua Suan(Naulak),Pa Thang Khup (Mate),Pu Sel Ling(Hautual), amau teng in upa-makai semin a makaih to uh ahi hi.1890 kum ciangin "Losel khua" ci-in tu laitak atenna khua khung,sangsak tengah kiteng hi.Tualgal dalna khuakulh kilim tawh mahmahin khuami aneupen pan alianpen dong tualgal in khat zong that zolo a hih pen hausa upate leh taangpu taangta te kithutuahna khat ahi hi.

        

2. HAUPI a kicihna thu

       1870 panin kum 1895 ciangin Thangkhal khua ah tai phei kikin tua lai ah 1942 ciang kiom hi.Pu Za Tual Mulam ah a lal kalin apai lo azui lo teng pen Tedim panin Thaupi tawh kikap kapin,hal uh ahih manin Tedim pan a kigal muhlohna ding ci-in tulai tak a tenna mun aleitang min "Haupi" kuamah galtai-in kiteng hi.1942 kum ciangin Falam mangpipa in,"lai hongpai ciangin hong koici paisak ding ka hi hiam?", ci-in adot ciangin,"Haupikhua hong ci in,"ci-in kivaikhak ahih manin tua-a kipanin HAUPI khua akici ahi hi.

3. THANGKHAL / HAUPU KHUA  GAMGI

      Beltanglui pan Sahei-mual dung zuito-in Sialgawl mual zuito Tawivum ah;Tawivum pan nisuahna lam paisukin Tuingo lui Suangbuk sunsuk hi.Suangbuk pan Tuingo nak lam zuito in Sa ngak mual zuito a,Thuamvum ciang;Thuamvum pan Thaangmual dung zuisukin Haiciin luinak dong;Haiciin lui nak panin luidung zuisukin Bakkua lui, Zalui ah kituah;tua pan Beltang lui tawh kituah,tua pan Sahei mual tung dong hi a hi kikal teng Thangkhal / Haupi gam kici hi.

   Thangkhal khua kisat pan tuni ciang dong Hausa sem ngei teng:

1.

Pu Za Tual (Sukte)         1888-1892

2.

Pu Hau Kam (Sukte)      1892-1913

3.

Pu Sian Khua Thang      1913-1921

  (Sukte)   

4.

Pu Do Cin Sum (Sukte)  1921-1935

5.

Pu Khup Za Tung(Sukte) 1935-1947

6.

Pu Zen Gin (Maibungh)  1947-1956

7.

Pu Khup Za Tung (Sukte) 1956-1960

8.

Pu Khup Za Cin (Samte)  1960-1965

9.

Pu Gin Za Nang               1965-1974

  (Gualnam)  

10.

 Pu Pau Za Dal (Naulak) 1974-1978

11.

Pu Thang Khua En         1978-1986

   (Sukte) 

12.

Pu Kam Khan Pau         1986-1988

     (Sukte)

13.

Pu Ngul Khan Kap        1988-1991

     (Samte)

14.

Pu Cin Khan Kap           1991-1997

     (Maibungh)

15.

Pa Langh Suan Nang     1997-2000

     (Baite)

16.

Pu Pau Khen Thang       2000-2002

     (Hautual)

17.

Pu Pau Za Dal (Naulak)   2002-2004

18.

Pu Kam Khan Pau          2004-2007

    (Sukte) 

19.

Pu Lian Khan Dal          2007-2010

     (Sukte)

20.

Pu Pau Khen Thang     2010-

     (Hautual)

By-Kap Za Langh 

Courtesy: Zogam Zomi Thugil tuantuam

Muancing laibusal

Share: