UZO Zotang Block Secretary M Lal Zou found dead

 UZO Zotang Block Secretary a shisa in kimu

Lamka, August 16: Gari accident zieh a shi hiding a mijousie in agintat Gousuanlal @ M. Lal Zou s/o (L) Th angchinkhup of S. Belpuan pen hiamhei a adehkhu kisatna ma muthei ahiban ah hepina bei a kisoisahna hiding a gintat liamna ma tuomtuom atahsa tung a muthei ahina ah meltheilou pawlkhat in atha hiding a gintat ahidan report in gen hi. 

M. Lal Zou ahileh August 13, 2022 zan nai 11:00 ding vel a phone call amu jou a S. Belpuan khuo apat Singngat khuo zuon a Bolero a taipawt ahina ah meltheilou pawlkhat in Singngat Hanmual a lamtan a tuachi'a a soisallup uh hiding a gintat ahi chi'n zong report in gen hi.

August 14, 2022 zingmawng nai 7:00 ding vel a M. Lal Zou a shisa a aluong mukhiet ahijou sawtlou nung in a innsungmi te'n social media leh mimal khat-leni phone called tungtawn in accident zieh a shi hiding chi'n thei ua, Singngat Police te'n Postmortem bawl ahileh Police leh Government process bangtan ahei khat zui ngai ding chi'a theisahna abawl zieh un a innsungmi te'n accident zieh a shi ahileh chi'n innocent tah in suoi kai in a present address Kamdou Veng Hanmual a vui ding in siluong pawkhie uhi. Hinanleh amau gintat khel ah hiamhei a kisatna ma leh ganhing bang a kisoisahna ma a tahsah tung ah mu uhi.

Alangkhat ah siltung toh kisai in UZO GHQ panna in Zou CSOs te'n accident hilou a "well planned murder" ahidan a tahsa  tung a liamna ma tuomtuom umte apat etmai a theikhiet thei ahina ah daan leh thupieh enkaitu, law enforcement acency te'n kintah a case investigate bawl a khutkhiet tute daan toh kituoh a gawtna peding chi'n mawpaina thusuo bawl uhi.

M. Lal Zou ahileh UZO Zotang Block Secretary ahi'a, lungsiet na bei a Zou CSO lamkai khat ganhing banga kithana pen UZO GHQ leh a kahieng te'n ngaisiemlou uh ahina ah kintah a daan leh thupieh enkaitu te'n suizuina nei ding chi'n theisah uh chi'n report in genbe hi.

~ Zogam Today | 17-08-2022

Share: