PILVANG HUAI ~ Mumung Tonsing

TULAI in digital payment apps (bhim, gpay, phonepe, mobikwik, paytm etc²) ki hahzat mahmah ta hi.

Hiai toh kisai in QR Code, UPI, Account Number, Phone Number tungtawn in sum ki khakna leh van leina ah sum piakna in kizang hi. Ahi a, huaite zat manpha leh zangkhai ahih komkom in pilvang huai khenkhat kon lui khe ding.

1. Sum kuahiam in honkhak, vanlei na a kuahiam in sum hon piak leh na phone ah notification hongpai ding a, huchibang hong pai kei leh sum hon khatu/hon petu theiden lai phot in. 

2. Notification hongpai kei hial leh sum hon khaktu/hon petu na paikhiaksak ma in na balance check masa in.

3. Notification hongpai lou ahih a, sum hon khaktu/hon petu in success a chih leh a phone ah transaction details etsak inla, huai hun chian thil 3 en teitei in. 

1. Sum hon khak zah 

2. Hon khak ni (date) 

3. Hon khak hun (time).

Hiai kon gelh naziak ahih leh, Mr X in dawr a bawl a, van khat Rs 500/- in zuak hi. Mikhat lungput diklou sa toh vanzuak tu khem sawm hi. Van Rs 500/- huai dawr ah va lei a, sum piak na di QR code scan dan kineih in, midang kuahiam toh sum Rs 500/- a ki piak nasa uh SCREENSHOOT mahajohn kiang ah lak gaih a, sum kon khak khin chi hi.

Hichibang a ki khemna lamka ah atuak kha zeuhzeuh om a, tuni mahmah in leng kou dawr ah ka tuak kha ua , himahleh  dawr ngakte ana khem zou kei vanglak hi.himahleh hong khem zoukei vanglak. A poi mahmah bel, ka dawr kiang lak ua dawr ka bawlpih uh lawmte khat ana  khemzou chitchiat a, poi khopmai.

Mask bun in ka dawr sung ua ki muang ngamtak mai in hong om a, CCTV record ah dawr sung a hong omdan, a ki muan ngam dan i et leh star huai jejen😃😃😃

Poimohna omleh bel CCTV record et khik theih din om.

--------

Share: