Lohching Na Kisa Hiam?

 ~ Pro Pastor Dr. Kammuanmung Thangniang

Thangkhal Baptist Church (ABA), New Delhi

Mihing hinkhua a dinga poimoh penpente laka khat ahihleh 'Lohchinna' ahi. Kua peuh lohchinh kiut chiat a, zong lohchin ki sawm chiat hi. Ahin, sil dah huai mahmah khat ahihleh mi tengteng kilohching lou hi: khenkhat te lohching a, a tamzaw thamte lohsam hi. A tangpi a genin mihingte pen lohching leh lohsawm in kikhen theih hi. Tua ahihtakleh nang khoihpen hi in na kikoih a? Loching nakisa na hiam?

'Mi lohching' ih chihte pen atangpi in sepna hoihtak neite ahi. A diakin ei singtangmiten lohchinna sangpen a ih ngaihsut uh ahihleh government sepna muh ahi- government nasepnate lak a zong IAS, IPS, IRS muhte pen mi lohching vawt a ngahsut ahia ua, amau bek hilou in ah nu leh pa te uh zong 'nu-lohching', 'pa-lohching' chia zahtak ahi uhi. Private company hung hat deuhdeuh toh kizui in, private a sepna hoihdeuh semte zong kingaisng panpan in, mi lohching khat in kituat panpan hi.

Ei Delhi TBC (ABA) te zong atangpi in government leh private nasem ihi uhi, ah lian lua ihi lou hangun. Tua ahihtakleh, ngaihsutna khat a, mi lohchingte kichi theihna tankhat zong um theih hi. Na hun paisate enkik inla, na tu dinmun pen Pasian gualzawlna hi na chihleh, Pasian kianga lungdam thu gen in.

Israel ten Gam chiamgam (Promise land) lading a ah kisak lai un, ah Lamkai muanhuai uh Joshua in lohchinna ding thuguk a mite kiang ah gen hi. Tua ahihleh, Pasian dan sun leh zan a ngaihsun gige ding, Pasian dan bangtak a gamtat ding ahi (Joshua 1: 8). Pasian dan banga gamtat gige pen lohchinna lampi bek hilou in, lohching chianga gamtat dingdan zong ahi.

Ih sep ih bawl na mun ah Pasian dan zui gigete ihih uh kideihsak huai mahmah hi. Sepna hoihtak nei lei zong, ih sepna mun a Pasian dan ih zui kei leh 'mi lohching' ki hilou ding hi, Pasian mit muh in. Sepna bang mah neiloute zong, ih hinkhua a Pasian dan sun leh zan a ngaihsun a, ih gamtatna a Pasian dan ih zui gige leh Pasian mit a 'mi lohchingte' ki hi veve hi. Hih dokna kidong chiatlei deih huai isa uhi: Lohching na kisa hiam?

 ***21082022***

Share: