KUKI TE KHOSUNG KIVAIPOHNA LE GAM NEIDAN SEMTOH ~ Dr TT Haokip

HAOSA SUHBEI LOUNA DING AJEH PHABEP:
1. Haosa hi Kukite chonna dolla thepman, haoman le chihman'a kitungdoh thei
hilou, penguiya kilason, angaina'a 'Mi Upa' in bou Haosa hina alah thei ahin,
kisubei theilou ahi.
2. Haosa hi Kukite chonna le ngaina kipatna le kondohna ahin, Haosa abeiteng
chonna le ngaina dangho jong hung dailhan tin Kuki identity mang ding ahi tai.
Pukhang-Pakhang'a kipatna Haosa kivaipohna hi 'Khankho' a kipan ahin,
khomite ding'a 'Lithuh tah'a Kaikongte lungmong sella akhosah thei tobang'u
ahi. Sihnei le langneina umlouhella, thudih le thutah'a Kukite chonna ngaija
kivaihomna ahi.
4. Haosa hi Kukite gam honbitna ding'a thahat pen ahi. Vetsah nan Manipur Land
Revenue & Land Reforms Act, 1960 le Manipur Hill Areas Chiefs' Acquisition Act
1967 thing Ihang'a tuni geiya achelhah thei louna hi Haosa kivaipohna jeh ahi.
5. Mipi deilhen dungjuiya khosung lamkai neiding hiti hi ahoi Ihehe. Hinlah
Penguiya kilason Haosa bon jana ineithei lou'u leh khomi khat pen lamkaiya
lhendoh'a ama vaihomna noiya kivaipoh ding hi Kukite ding'a thil hahsa tah
khat ahi.
6. Haosa akisuh beiya, semthu kivaipohna khat noiya kivaihomna aum leh
Khosung'a kikhentelna le kibung khenna sohjo ding ahi. Kukite ding'a election
kiti phot phot chu tu dinmun'a ding'a kitomona phapen ahi.
7. Kuki, Meilhei le Naga ho gam thu seichetna aum masang ahilou leh Kukiten
gamtum ineidoh kahseova Haosa hi isuhbei u leh igam'u ihuh jou lou diu ahi.
Kukiten Gamtum kinei jeng jong leh khosung kivaipohna hi kisubei thei deh deh
lou ding ahi.

IPI JEH A SEMTOH NGAI HAM ?
1. Haosa atamjon 'Khankho' sang in amaho ding phatchomna joh ahagel taove.
2. Haosa tampi ahho'a chengta louva, Sakhi thang kam tho atam tai.
3. Govt, scheme le phatchomna dang ho duchatna jeh a Semthu Haosa atam cheh
cheh jeh in koiman Haosa lutna le loupina hi amudoh thei tapoi.
4 Haosa tilou khomiten gam thu'a tha aneilou jeh un bhomite ding'a akhang
akhang'a kiholtah'a chenna aumthei poi.
5. Gam jouse Haosa thaneina noiya um ahijeh in govt. scheme tampi alut theipon
chule khomiten kumsotna ding tohgon neina lungthim aneipouve.
6. Khosung kivaipohna hi Kuki Nampi ding'a Kalbi poimo pen ahin, hinlah athem,
aching le ahao hon adalha Ihaovin, suhna ding helou ho bou chenna ahitai,
7. Kukite Gam chu thinglhang gam ahin, khosung kivaipohna akisem toh lou leh
Kuki Gam kiti chu ahomsa ahi.

KHOSUNG KIVAIPOHNA SEMTOHNA DING KALBI HO:
1. "Haosa" le "Khochaga" titah lou ding; chusang'a "Haosa' le "Khomite" joh ti
ding ahi. Chaga kiti chu nu-le-pa neilou tina ahin, khomite kiseina din adih thei
pol. Kho Haosa jeng jong hi "Inpipu" kiti ahi.
2. Haosa toh kithokhom ding Thuching (Secretary), Semang (Kho Thusei),
Pachong (Defense & Home), Lhangsam (Publicity, Information & External
Affairs), Lam Upa( Youth &Sparts Affairs), Lom Upan-Nu( Women Affairs) le
adang tomun ho hi ahina bang tah'a min vopih ding chule chepi ding ahi.
3. Kukite chonna toh kitoh louva koima khosem umlou ding ahi. Semthu Haosa ho
jeh'a hi Haosa hi agilding bang'a giljou lou talouva, Kukite chonna kisumang
kigo ahitai. Thingnoi lambai atam jon jong kho asemtaove ti thu akijan,
achaina le khomite sang'a kho kisem joh hi hung tam maithei ahitai.
4. Khothah thah sembe sang'a kho umsa ho pilhin sahna ding joh ngaito ding ahi.
In 50 thinglou kho jouse khonung changeiya mun polmo ding mun khat'a
gopkhom ding, khomin ho chu Veng min hisah ding, chule Haosa jouse khosung
vaihom'a pang ding, kho Haosa ding hi phatbih neiya kilha diu ahi.
5. Athem, aching le ahao jousen cima khocheh'a 'In -le-Lou' neiding ahi. Vangset
umtah in thingihang gam ihin dalhaovin khopi lam ihin jon taove. Tuthah hin
mihao tampin Manipur gampam'a khosah ding ihangaito Iheh un, gam lentah
tah chojong akium tai. Neimo ahipon chule neiding mong jong ahi. Hinlah
khosung a athem achinghon In le Lou inei u hi bhomite ding'a kitil khouna kee
hilouva, khonung'a Kuki Gam huhna ding'a pan la ihuve ti hi thah geldoh kit
angaie.
6. Kho-le-veng khantouna ding'a government scheme hihen phatchomna dang
dang ho hijong leh Khosung lamakai hon khomite toh kihoutoh'a langneina le
sihneina neilou hella natohna anei ding ahi.
7. Kho gam pumpi hi Haosa min'a umding, mipi thalheng'a gam chingtup hiding,
khomite toh kinoptona beiya midang kom'a agam pumpi hihen agam beh
hijongleh ajoh thei lou ding ahi.
8. Khomite kiholtah'a achentheina diuva, Haosan gam let le neo dungjuiya
Inmun-loumun ding inson'a apehding, koiman anung lahpih thei lou ding ahi.
Hiche inmun-loumun hohi koitobang in government'a kon hihen adang dang'a
kon hijong leh phatchomna ho mutheina ding'a ngaichatna anei leh Haosan
akholtoh'a, chule phalna (No Objection certificate) apeh thei ding ahi.
9. Haosan acham'a koima anodoh thei lou ding, khomite koitobang alou thei
louva kichou aum leh Inmun-loumun kipesa hihen asung'a um thingkeh-
songkeh hijong leh khomite khat pen kom'a akijoh thei ding ahi.
10. Haosa le Khosung vaipo hon khomite nehding le chan ding asuchavai thei lou
diu chule Khosung'a sum-le-pai hihen tha-le-jung lutna ding le senna ding
hijongleh inson'a tanggol'a donding ahi.
11. Kho jousen 'Khotu' neisoh keiding ahi. Haosa Gam sung'a kinoptona dungjuiya
'khogam' umsah ding, thingkeh-songkeh khanletsah ding, ngaichat dungjuiya
khomite phatchomna ding'a manchah ding ahi.
12. Khosunga um govt. department jouse khomite thaneina noiya umding, inchen-
khochen Machalna ding'a tohgon chom chom neiding ahi.
13. Puchon-pachon, Pula-pala, Pulam-palam le Gollui thusim ho chintupna ding le choisangna ding'a khosung'a khangthahte kithem chuhsahna ding'a mopohna
le tohgon neijing ding, chule Puchon-Pachon thona ding Von (Cultural dress)
hihen Gosem, Pengkul, Dahpi, Gollui kichep le golseh ho hijong leh suhtup ding
chule kithem chuhsah ding ahi.

(Writer Dr Thangkholim @T.T Haokip hi Professor & Head of Department
(HoD), Department of Political Science, North Eastern Hills University (NEHU),
Shillong)

*via social media*

Share: