KUKI HON SAJAAM AHOMMU

 Excerpt from the Book HISTORY OF MANIPUR by Late Pu Ngulkhohao Lhungdim 3 times MLA from Saikot Constituency 1974-1989 

(Part-2)

CHUTICHUN solam gamkai ja Hausa len Pu Pache/ Lhunkhomang Haokip in Selchal khat athat in agamsung leh akimvel lah SAJAAM kiti sachan ahomin gal kisat dingchu aphongdoh in, Chutobang machun Aisanpa Chengzapao Doungel injong Sel khat athat in SAJAAM ahom kit in hausa jouse chu galsat dinga kigosa umding chun temna aneijin, langkhat ah Pu Khotinthang Sitlhou, Jampipa injong Selkhat athat in SAJAAM chu ahomdoh kitin, SAJAAM hochu North Cachar, Burma leh Naga hills mun phabep a Kuki hausaho chujong ahompeh uvin SAJAAM mujouse chun ahin nungle ngallou uleh galla pangkhom ding chu phatsahna ahitahjeh in Manipur hill area chu Britishte toh kidou dingin akisa ngam phat uvin, chutichun Haosa lendom jouse matdoh ding ti ahitan, Mr. Chalson Kilong chu English hemasa ahi jehchun Sap ten paole dingin akipuileu vin Chengzapao Doungel man dingin sepai honkhat acheuvin, Pu Chalson Kilong in Makokching aphah uvin guhthimin mini anasol in Aisan pachu anakitheh doh hen tin athulhah in, British sepai hon agacheuleh hausapu aumlou phat in Paneeng leh Palhun ahinmandoh uvin, amanichu khonungin haosahon Political Agent komah agalhat doh uvin ahije. 

Chutichun sahlam gamkai haosa sese chu Chahsad ah akikhom uvin, loikhat sechu Aisan kho ah akikhom uvin, Lhumlam gamkai a um hausa sechu Jampi ah akikhom uvin Burma gamkaija sechu Phailengjang ah akikhom uvin galbol dingdan leh pan lahdingdan thu aseikhom uvin, chutichun Singhat gamkai aum hausa Zou Group hochu Behieng ah akikhom uvin kitoh dela Sapkangte toh kidouding apanglou aumleh Hausachu thadoh ding akhouchu meija hall hah ding tin kilolna aumtai. 

Chuti chun khotin ah ‘ thingkho leh Malchapom’ athah suh keiju vin, hichun keiju Kukite hi mei am sat asa malchapom bang a thah kahiuve ti vetsahnan abol uvin, hiteni chu thukhoh gallen tahtah ho asoteng kikanbeh juija kitol lelejui anahin ahije. Chutichun Britishten ‘nangho Kuki hon sei ngailou jeh uvin midang jouse French gama chesohta, tuahi gal ikisat diu ahimaije atiuvin Kuki honjong nangho British ho soh a uma thisangin Kainmun uva galsat in thijou vinge nangho dei kadeijuve atipeh taove.

*******

*via WhatsApp*

Share: