~ Rev. S. Thangnou
Senior Pastor, TBC (ABA) Delhi
Marka 10:46-47: "Huan Jeriko khua hong tung ua, hichiin Jesu Jeriko a kipan in a nungzuite leh mipi tampitak toh a pawt lai un khutdoh mittaw, Timai tapa Bartimai, lamgei ah ana tu a, Nazareth Jesu.... David Tapa ka tungah zahngai ve chiin a kikou ta a". Jesu ahihna a theihchiang in nakpitak in a kikou a, "Jesu David Tapa ka tungah zahngai ve" a chi hi.
Mittaw pa'n a mit toh Jesu mu theilou napi a lungsim toh muthei hi. Hung damsak thei ding hi chi'n gingta a, nakpitak in kikou in sam hi. Jesu khawllou a paipai ahihman in gamla deuhdeuh ding a, ngaihtak in a kikou a, mitampi'n a kham hang in a kikou semsem hi. A khaamte simmohna hilou in Jesu zak ding a deihna ahi zaw hi. Bartimai kikouna aw in Jesu khawlsak zou a, a nungzuite samsak in Jesu kiang kipaipih hi. I thumna zousiah Jesu sapna ahi a, hung zak theihna ding in lungsim takpi toh houpi a i nget kul hi. Mi tampite thumna Jesu'n zalou a, Jesu khawlsak zou ding, a lunghimoh sak zou ding ginna toh thu ngetna kisam hi. Mi diktat thumna in sil thupi a hih zel hi (Jakob 5:16).
Palestine gam ah mittaw khutdohte in kei huhna/panpihna kisam hing chih midang te'n a theihna ding un uniform a nei uhi. Bartimai in Jesu'n hung sam chih a theih chiang in a mittaw puan pai masa hi. Jesu'n kei hung damsak in ka mit vak in khutdoh nawnlou in kei leh kei kivak zou ta ding ka hihman in hih mittaw puan poimoh nawn ken teh, mittaw hinawn kei ning a chi ngam khol ahi. Jesu ginna toh a dam masang a puan pai masa ngam hi.
Jesu'n na tungah bangchia ka hih na ut? a chi a, muh theih ka ut, a chi hi (Mk 10:51). Tedim Bible in "Khua ka mu kik nuam hi", chi hi. "Kik" kammal in mittaw sa a piang hilou in, khua a mu ngaisa khua mulou kik ahi. Jesu'n zatui zaha zang tuanlou in, a khut toh zong khoih tuan lou in, "na ginna in hung damsak hi" a chi khit teh dampai hi. A ginna in a damsak a, a ginna in a mit vaak sak hi. Mit toh muhlouh ginna ahi. Hih mittawpa ginna dan i etteh ding in thupi kasa hi. Toupa'n a theisiam ding in thupha hung pia ta hen.
****************
Senior Pastor, TBC (ABA) Delhi
Marka 10:46-47: "Huan Jeriko khua hong tung ua, hichiin Jesu Jeriko a kipan in a nungzuite leh mipi tampitak toh a pawt lai un khutdoh mittaw, Timai tapa Bartimai, lamgei ah ana tu a, Nazareth Jesu.... David Tapa ka tungah zahngai ve chiin a kikou ta a". Jesu ahihna a theihchiang in nakpitak in a kikou a, "Jesu David Tapa ka tungah zahngai ve" a chi hi.
Mittaw pa'n a mit toh Jesu mu theilou napi a lungsim toh muthei hi. Hung damsak thei ding hi chi'n gingta a, nakpitak in kikou in sam hi. Jesu khawllou a paipai ahihman in gamla deuhdeuh ding a, ngaihtak in a kikou a, mitampi'n a kham hang in a kikou semsem hi. A khaamte simmohna hilou in Jesu zak ding a deihna ahi zaw hi. Bartimai kikouna aw in Jesu khawlsak zou a, a nungzuite samsak in Jesu kiang kipaipih hi. I thumna zousiah Jesu sapna ahi a, hung zak theihna ding in lungsim takpi toh houpi a i nget kul hi. Mi tampite thumna Jesu'n zalou a, Jesu khawlsak zou ding, a lunghimoh sak zou ding ginna toh thu ngetna kisam hi. Mi diktat thumna in sil thupi a hih zel hi (Jakob 5:16).
Palestine gam ah mittaw khutdohte in kei huhna/panpihna kisam hing chih midang te'n a theihna ding un uniform a nei uhi. Bartimai in Jesu'n hung sam chih a theih chiang in a mittaw puan pai masa hi. Jesu'n kei hung damsak in ka mit vak in khutdoh nawnlou in kei leh kei kivak zou ta ding ka hihman in hih mittaw puan poimoh nawn ken teh, mittaw hinawn kei ning a chi ngam khol ahi. Jesu ginna toh a dam masang a puan pai masa ngam hi.
Jesu'n na tungah bangchia ka hih na ut? a chi a, muh theih ka ut, a chi hi (Mk 10:51). Tedim Bible in "Khua ka mu kik nuam hi", chi hi. "Kik" kammal in mittaw sa a piang hilou in, khua a mu ngaisa khua mulou kik ahi. Jesu'n zatui zaha zang tuanlou in, a khut toh zong khoih tuan lou in, "na ginna in hung damsak hi" a chi khit teh dampai hi. A ginna in a damsak a, a ginna in a mit vaak sak hi. Mit toh muhlouh ginna ahi. Hih mittawpa ginna dan i etteh ding in thupi kasa hi. Toupa'n a theisiam ding in thupha hung pia ta hen.
****************
.jpg)
.JPG)
No comments:
Post a Comment
Comments not related to the topic will be removed immediately.