~ Rev. S. Thangnou
Pastor, TBC (ABA), Delhi
Ka Biakinn a an
om theihna ding in sawm-a-khat a kim in hung paipih un (Mal 3:10).
Sawm-a-khat
(1/10) piak pen Abraham in ana pan masapen hi. Khederla-omer kumpi te'n Sodom
leh Gomorah a sim/dou ua a lakhin uhi. Lot zong vatel ahihman in Abraham in a
va dou/sim kik a, ava zou gawp hi. Gualzou a Abraham hung kileh in Jerusalem
Kumpi leh Siampi ahi Melkhizedek in uain (wine) leh ann toh dawn a, lungdam in
hanlaa sa hi.
"Lei leh
van neipa Pasian tungnung pen, Abraham gualzawl in om hen. Na melmate na khut a
hung piapa, Pasian tungnung pen phat in om hen" (Gen 14:20) a chi hi.
Abraham nuamlua
ahihman in Melkizedek kiangah sawm-a-khat a pia hi. Hih piak khiatna pen
lungdam lahna, lungdam kouna ahi. Lungdam kouna kipan in sawm-a-khat piakna
kipan hi.
Ama uttawmna toh
Jakob in zong Pasian tunga sawm-a-khat piak dinga a kamchiam pen kuamah sawl
hilou in, ama utthu mah ahi (Gen 28:22-23). Pasian in Mosi tungtawn in Israel
te'n piakkhiat ding dan ana gen hi (Exodus 25:1-2). Utna toh a kipia khia vive
ahi.
Hinanleh zong
sawm-a-khat ngetna leh Toupa a ahihna leh siangthou ahihna a liim gen hi (Lev
27:30-32; Exo 23:19). Tua sawm-a-khat pen Israel nam 12-te sung pan siampi nam
Levi mite tan ding a Pasian piak ahi hi.
Amau nasem lou
in Siampina sem ding ua, nam 11 te'n sawm-a-khat chiat toh vak ding uh hi. Tua
pen Siampi Ann, Zeksak Ann ahi a, kuamah suktheih louh ahi. Sawm-a-khat a pia
loute Siampi sap lou, Pasian kisam salou hi in, zektan ann ane kha kha uh suak
ahihman in nat loh in sihlohna dong piang thei hi.
Abraham in
Siampipa tungah a piak bang in ei te'n zong siampi lianpen Jesu tungah i piak
ding uh ahi. Malaki sung ah biakinn ah a chih bang in sawm-a-khat pen mun dang
leh utna teng ah pia lou in eima biakinn chiat piak ding ahi.
.jpg)
.JPG)
No comments:
Post a Comment
Comments not related to the topic will be removed immediately.