PATE NI KIPAT DAN

~ Rev. S. Thangnou

PATE NI kizakna masapen pankhetu nupi khat Mrs John Dodd ahi. America a Washington a khuapineu Spokane ah a te'ng hi. Kum 1909 May in Nute Ni in biakinn kaina ah Pastor in Nute itna thu agen azak a kipat in Pa itna phawk den hi. A khangnou lai in anu'n a sih san hi. Anu'n a nusiat a tate guk teng a pa bek etkol hung hita hi. Anu'n a nusiata zongin apa in a tate Khristian inkuan hoih khat in laamsa'ng hi.

Apa'n amah beka a unau teng haksapipi a nek buaipih dan naktak in a geel den a, Biakinn sunga tou kawm in, apa leh leitung a pa tengteng zahtakna leh pahtawina piak ding in a kilawm hi, chih hung geel/thei khiata hi.

Mrs Dodd zong Spokane Ministerial Association President-pa kiang va hoh in kumteng in i nute thei gige in Nute Ni i zang uhi. Tua ziak in kumtenga Pate a ding ni khat na seh/teel a, Pate zahtakna leh Pahtawina ni'a i man/zak zel ding uh ahi, achi hi. A ngetna bang in a pomsak ua, June 3rd Sunday (Nipi 3-na) PATE NI hi ding in a septa uhi. Tua ni pe'n Mrs Dodd Pa pianna ni ahi hi.

Spokane Ukpipa'n Pate Ni thu a zak chiang in Pate Ni tan/zak ding in kintak in thupuanna a bawl hi. Spokane Saptuam in June 3rd Sunday pe'n Pate Ni a mang ding uh chih a khonunga azak chiang in ama'n zong, state zousiah ah Pate Ni lop di'n a phuangkhia hi.

America a mi tallang khat, William Jennings Byrant in Pate Ni pe'n National Holiday (gamsung khawlni) a tang ding in uliante kikupna (meeting) ah hung pua khia hi. Tua ziak in, 1924 in National Holiday in puangkhiat ahi.

US Presidnet a 30-na President Calvin Coolidge in June 3rd Sunday Pate Ni hiden ding in a phangkhia a, "Insung mi tengteng in Pate zahtakna leh pahtawina piak ding ahi," achi hi. Tua ni a kipan leitung pumpi ah miteng in, a diak in Khristian te'n kilopna thupitak in PATE NI a kilawm hi.

--- 19062022---

Share: