MLA LM Khaute in health card kibawlsate hawmkhiatna nei

Lamka 2022 June 14: State Health Agency in LM Khaute, MLA (58-CCpur) AC tawh kithuah in CCpur Assembly Constituency mipite ading in Health Card Enrollment Drive sunzom uh a, tuni in MLA LM Khaute in CYA hall, Gouchinkhup Veng ah enrollment drive neihna mun vapha in health card kibawlsate hawmkhia hi. Hih bang a vengsung mipite awlmawhna ziak a bialtu MLA LM Khaute panlakna tung ah vengsung mipi sik leh tang in Gouchinkhup Veng VA leh Janata Dal (United) Committee in kipahthu gen uhi. 

Tuni a enrollment drive hun ah State Health Agency apan Thuamkhanlian Ngaihte, District Coordinator, CCpur leh Pherzawl lamkaih in S.Thangmuanlal, ArogyaMitra leh enrolment team te'n health card neithei dingte document velchian in Health Card bawlsak uhi.

Health card chi 2 bawltheihte lakah Socio Economic Caste Census (SECC) 2011 a min omkhate'n Pradhan Mantri Jan Arogya Yojana (PMJAY) neithei uh a, SECC list a om khalou peuhmah in Deputy Commissioner apan approval la in Chief Minister-gi Hakshelgi Tengbang (CMHT) neithei uhi. Health card khat ah innkuan teng min koihtheih a, min omkha teng lak a kuahiam in damlouhna a tuah leh kumkhat in ki-etkolman Rs. 5 Lakh tanchiang government in sensak ding hi. 

June 16, 2022 in S Munnuam hausapa inn ah Tangmual, S Munnuam leh D Leikot khawte a ding in sutzop hiding a; June 17, 2022 in Buallian Community Hall; June 20, 2022 in Mualkot hausapa inn ah Mualkot leh Mualpi khawte a ding in om ding hi. June 21, 2022 in Simveng leh Beaulahlane-te ading in Simte Inn, Simveng; June 23, 2022 Vengnuam & Vengnuam South-te ading in Ngulthawng Bazar, Vengnuam, New Lamka hiding hi.

June 24, 2022 in Lanva & Hebron Veng-te ading in New Lamka YPA hall, Hebron veng, New Lamka; June 27, 2022 in YPA Hall, Zion Veng, New Lamka; June 28, 2022 in College Veng & Elim Vengte ading in YPA Hall, Elim Veng, New Lamka; June 30, 2022 in YPA GHQ Hall, Hiangtam Lamka hiding hi. July 1, 2022 in Thingkangphai Community Hall; July 4, 2022 in Tualnuam, K Salem leh Joy Colony a tengte a ding in Tualnuam Community Hall; July 5, 2022 in Lingsiphai Hausapa inn; July 8, 2022 in Mata Community Hall; July 11, 2022 in Mata Mualtam Community Hall; July 12, 2022 in Lamzang Community Hall; July 14, 2022 in Geljang Community Hall; July 15, 2022 in Songsibok, Immanuel Khawpi, Zomi Bethel leh L Joujang khawte a ding in Immanuel khawpi Community Hall hiding hi. July 18, 2022 in Headquarter Veng Community Hall; July 19, 2022 in YMA Hall, Chiengkonpang; July 21, 2022 in Gill Town VA hall; July 22, 2022 in Kawnpui Community Hall; July 25 in Zenhang Lamka Community Hall; July 26, 2022 in Khumujamba Community Hall; July 28 in Rengkai Govt High School leh July 29 in Rengkai Community Hall ah neih hiding hi.

#Unity #Peace #Development #Lamka #Churachandpur #Manipur

Share: