June 18, 2022 (TSN): Lawhchinna lampi baihlam leh nuamtak hi ngeilou a, gentheihna lak a pan haksatak a pang a lawhching tampi gen om sekta hi.
Jaipur a tuaidawng kum 15 a upa Suhani pen Rajasthan Board in class 10th standard examination a neihna ah mark mu sangpen hi in 96 per cent tak mu a, topper in pang hi.
Suhani te innkuan khosak haksatak mai leh nitena a kilawh a nekzong hi ua, a lawhchinna ban uah a innkuan dinmun uleh a hahpannate midang te'n a theih nungun minthang gawp hi.
A nu leh pa te laisiam lou hi ua, a pa auto driver sem a nekzong in innkuan a sum mutupen ahi. Hiipi ziaka kikhakchip ahih lai ngialn kilawh na'ngin midang puan sawpsak zel uhi.
Innkuanin sum haksatna namen louin buak a genthei mah mah kawmin a tanu uh amau banga laisiam lou ahikha ding chih lau mah mah uhi. A sinna ding in ahhtheih bangtawk ua panpih tum uhi.
Suhani inleng a gentheihna leh dinmun ngaihtuah kawmin a theihtawp in a sungkuan haksatna guam apan a pikhiak theih na'ngn a kifuih gige a, a tupguh leh hahpanna ziakin mark hoihtak mai muzou hi.
Tus zah mark score zou dingn hihdan lampi hoihtak thei hi tuanlou hi. Nitengin dakkar 5 apan 6 tan laisim na'ngin hun zang zel a, hiipi ziak a sinna inn khak a hihin a nu phone in class tel zel hi.
Sinna lamah bang lam zuih zel tum hiam chih dotna dawnna ah Suhani in CA hih a ut thu leh, huai a hih kei leh sinna sutzop zel a IAS officer hih a ut thu leng gen hi.
A tanu lawhchinna ah a nu leh pa'n leng suang lua ua, a school Principal, Devendra Kumar Waja inleng Suhani in a sina ah theihna sangpi a neih dan gen hi.
Jaipur a tuaidawng kum 15 a upa Suhani pen Rajasthan Board in class 10th standard examination a neihna ah mark mu sangpen hi in 96 per cent tak mu a, topper in pang hi.
Suhani te innkuan khosak haksatak mai leh nitena a kilawh a nekzong hi ua, a lawhchinna ban uah a innkuan dinmun uleh a hahpannate midang te'n a theih nungun minthang gawp hi.
A nu leh pa te laisiam lou hi ua, a pa auto driver sem a nekzong in innkuan a sum mutupen ahi. Hiipi ziaka kikhakchip ahih lai ngialn kilawh na'ngin midang puan sawpsak zel uhi.
Innkuanin sum haksatna namen louin buak a genthei mah mah kawmin a tanu uh amau banga laisiam lou ahikha ding chih lau mah mah uhi. A sinna ding in ahhtheih bangtawk ua panpih tum uhi.
Suhani inleng a gentheihna leh dinmun ngaihtuah kawmin a theihtawp in a sungkuan haksatna guam apan a pikhiak theih na'ngn a kifuih gige a, a tupguh leh hahpanna ziakin mark hoihtak mai muzou hi.
Tus zah mark score zou dingn hihdan lampi hoihtak thei hi tuanlou hi. Nitengin dakkar 5 apan 6 tan laisim na'ngin hun zang zel a, hiipi ziak a sinna inn khak a hihin a nu phone in class tel zel hi.
Sinna lamah bang lam zuih zel tum hiam chih dotna dawnna ah Suhani in CA hih a ut thu leh, huai a hih kei leh sinna sutzop zel a IAS officer hih a ut thu leng gen hi.
A tanu lawhchinna ah a nu leh pa'n leng suang lua ua, a school Principal, Devendra Kumar Waja inleng Suhani in a sina ah theihna sangpi a neih dan gen hi.
.jpg)
.JPG)
No comments:
Post a Comment
Comments not related to the topic will be removed immediately.