THUKHUNLUI HUN A KUTPITE (Festivals)

~ Rev. S. Thangnou

Pastor, TBC (ABA), Delhi

Sabbath Ni: Thukhunlui hun ah ni 7-na ahi a, Khawl ni, Naseplou ni ahi (Exo 20:8-11, Lev 23:3, Matt 12:1-14, Mk 2:23-3:5).

Sabbath Kum: A kum 7-na ahi a, Tawlngak Kum, Lou zong tawlnga sak kum (Exo 23:10-11).

Jubilee Kum: Kum 50-na ahi a, leiba maisak, silate suakta sak in a inn uah paikik sak, leitangte a nei masate pekik (Lev. 25:8-55, Num 36:4).

Paikan Kut (Passover): Kha masa (abib) 14-ni, tulai a March-April. Innchin ah belamnou gou in ne, loukhaa leh silngou sohlouh tanghou ne (Ex 12:1-14, Lev 23:5, Num 9:1-14, Matt 26:1-2, Mk 14:12-26).

Silngou sohlou Kut (Unleavened Bread): Kha masa (abib) 15-21 ni, tulai in March-April. Silngou sohlouh tanghou ne, tam veipi kikhawm, pawtkhiatna tuamtuam nei (Ex 12:15-20, Lev 23:6-8, Matt 26:17, Mk 14:1, Lk 22: 1 & 7).

Anpal/Gahmasa Kut (Firstfruits): Khamasa (abid) 16-ni, tulai March-April. Maangbu (wheat) palte-vei a biakna, mihal biakna leh ann toh biakna pia uhi (Lev 23:9-14, Rom 8:23, 1 Kor 15:20-23).

Nipikal Kut/Anlak Kut (Pentecost): Kha 3-na (siva) 6-ni, tulai May-June. Lungdamna Kut, Sawlna leh uttawm biakna mangbupal kut (Exo 23:16, 34:22, Lev 23:15-21, Nasepte 2:41, 20:16, I Kor 16:8). 

Pengkul Kut (Trumpets)/ (Rosh Hasannah Kumthak Ni): Kha 7-na (Tishri) 1-ni, tulai September-October. Tawlngakni khat in pengkul tum in biakpiak nate kipia (Lev 23:23-25, Num 29:1-6).

Kilemna Ni (Yom Kippur/ Day of Atonement): Kha 7-na (Tishri) 10-ni, tulai September-October. Tawlngakni, Siampite, mite, biakbuk leh biakna taau a di'ng kilemna biakpiakna leh anngawlna (Lev 16:23, 26:32, Num 29:7-11, Acts 27:9, Rom 3:24-26).

Buk/Bawkta Kut (Tabernacle): Kha 7-na (Tishri) 15-21 ni, tulai September-October. Nipikal khat a sawt annlak (harvesting) kut, buk sungah om in biakna pia (Ex 21;16, 34:22, Lev 23:33-36, Num 29:12-34, John 7:2-37).

Siangthou Kikhoppi Kut: Kha 7-na (Tishri) 22 ni, tulai September-October. Kikhopna nei, tawlngakna leh biaknate pia (Lev 23:26, Num 29:35-38, John 7:37-44).

Ki-apna Kut: Kha 9-na, tulai December. Makkabean hun sung biakinn siansuahna (166-164BC) phawkna (John 10:22-39).

Purim Kut: Kha 12-na (Adar) 14-15 ni, tulai Feb-March. Lungdamna kut, annekna kut leh kipakman piakna (Esther 9:18-32).

--- 29052022 ---

Share: