SUNDAY SCHOOL KIPAT DAN

~ Rev. S. Thangnou

Pastor, TBC (ABA), Delhi

Malai a bulpatna:

OT hun leh Jew masa chiamtehna te'n laihilhna ah Hebrew pau a uang gen uh a kilangsak hi. Hebrew a "Shema" in a kawk Deut. 6:49, Pasian thupiak "na tate kiangah ah kuhkal tak in hilh in" chih ahi. Mosi in "na kha tengteng leh na hatna tengteng in Toupa na Pasian na it ding ahi" achi hi.

Jew mi nam zousiah in a sinsakpa "Rabbi" nakpi a azahtak uh a kituahna ahi. NT hun in, Jesu a damlai nite sahkhua kihilhna ah pang in, a zil bang in a nung in Synagogue ah thuhilh in a pang hi. Jesu panna Jewte lailam paidan in naupang kum 5-10 dan (law) "Leviticus" a kipan in a Khangthu a zilsak uhi. Kum 10-15 tan Jewish-te tawndan theih thoh (oral) te a hilh uhi. Kum 15 tunglam pan in mipiching, thu dong thei leh doctor-te toh a dikzaw deihna kinial thei, school sangzaw ah kaithei hi. Paul leh Barnabas in zong Antiok ah thu hilhna in hun tam a zang uhi (Acts 11:26; 15:35). Paul in kum khat-le-alang Korinth ah thu hilh hi (Acts 18:11).

Kum zalom  masa (1st century)  bei vel in ginna thu zilna, piching a ding in Christian thuhilhna Alexandria Theological Seminary ana om a, tua pan pasal khangnou Origen kichi ana graduate hi.

Etkhiatna thak:

Sunday School pe'n Gloucester khomi Robert Raikes in a phuankhiat ahi. Amah 1736 in a piang hi. Amelpha in tha hoih a, gualnuam in itna nei a, nasep a tei mahmah hi. Suangkul taangte veina masa hinapi a veinat zahin a lohching kei hi. Tuachi'n 1780 kum in naupang pattah hung kipan hi. Nipi ni teng a lampi a kimawl a, zu-le-sa ne a, la hoihlou sa naupangte kaikhawm in hung panta hi. Nasem ding in azawng daipam khatteng chial in ni khat in Pound khat toh a guai hi. Kum thum khit teh news a hong suah khia hi.

1783 November 3 ni in Sunday School hung phuankhia taktak a, "Gentlemen's Magazine" ah tangkou hi. Mihausa William Fox in huh mahmah hi. 1784 in Sunday School pasal naupang 77 leh numei 88 pha ua, uniform leh lukhute neisak in, a vaihawm ding Board-te a neita uhi. 1785 kum in "Reading Made Easy" chih laibu khat hung bawl khia a, kum 4 zohin Sunday School naupang 2,50,000 nei pha hi. 1811 kum in Robert Raikes damlou in si a, Sunday School naupang te'n vui uhi.

Tate i chih pe'n Pasian in hung piak thupha namkim lakah a lian penpen, thupha kipahman goutan leh hehpihnate ahi uhi (Sam 127:3, 128:3, Gen 33:5).

 ---15052022---

Share: