NUTE NI KIPAT DAN TOMKIM

~ Rev. S. Thangnou

Pastor, TBC (ABA), Delhi

Leitung bup ah Nute Ni kumteng in ana kizang zel ahi a, hung kipat dan atangpi a theih dan tomkim in hibang ahi.

America nungak Anna Jarvis 1-5-1864 in Webster Taylor gam, West Virginia ah piang hi. Tua pan Philadelphia lam ah a kisuan uhi. Sanggam numei nauzaw khat (khua mulou) a nei hi (unau 11 pha chi zong om). A unau un apa'n neukhat kem zoulou in anu toh hung kichimat zawta uhi. Anu ngaihna in Anna muntuam a sawt ava om ding haksatna a pia hi. Tua thuak kawm in Public School a laihilhna laipi (certificate) ngah zoh na'ng tum in kuan a, lohchingtak in innlam hung tung kik hi.

A hinkhua a alawm ngaih toh kiteng lou in, sih tan a pasal neilou a nungak siangthou a om din a chiam hi. Ama'n LIC ah a sem hi. Kum 35 ahih in apa 1902 in a sita hi. A pa sih khit in Anna leh anu a tanaute tenkhawmna, mun gamlapi ah a kisuanta uhi.

May 9, 1905 in anu'n a sih san kik a, a lunggimna hung kibehlap semsem hi. Anu sih nung in anu tunga sil a bawl zousiah gitlouhna ngen a zang in a kithei khia hi.

Anu sih kumnihna chin in May Nipi nihna 1907 in Anna in a gualte pawlkhat a inn ah samkhawm in khawvel pumpi huap a nute zahtak/pahtawina lopna kumkhat bawl a, Nute Ni chih ding in a ngaihdan a genta hi. A lawmte'n hoih a sakpih ua, theisakna a hawm zak  ua, pate leh tate'n zong kipak tak in a zopta uhi.

Anna zong a lawmhoih John Wannamaker, puanzuakmi, sum a huh dingpa kiang a va hoh hi. A kum kik in Methodist Church ah, a nu'n kum 20 oja a sepna Sunday School Superintendent kiangah nute zahtakna piakna hun a zak ding in a mun ngetna a pia hi. A ngetmah bang in ana phalsak a, Second Sunday, ni 10-na 1908 apat Nute Ni masapen hiden ding in naupang 400 leh nute in a guang uhi. Pastor pa'n John 19:26-27-na simkhia a, service (programme) zohin Anna in anu pak (carnation) deih pe'n nute leh tate khat chiat a pia hi. Nute Ni pen tawndan/ngeina dan in a kipankhia ta hi. A kumkik in America pumpi huap zou  ding in laikhak 10,000 Anna in congressman, governor, newsman leh milian te kiangah ngetna a pia hi. A chialna leh ngetna a thawn kei hi. Khopi, khoneu leh singtang khua ah Nute Ni a kizang suak hi. A tawpna in US Senate in vaihawmna ah dan bang in 8th May 1914 in pom sak a, President Woodrow Wilson in namdet in phuankhiatna, May Second Sunday pen Nute Ni a minvoh in om hi. President Wilson in a phuankhiat apat in gam zousiah phial ah Nute Ni zak in om hi.

---08052022---

Share: