MLA tha Paolienlal Haokip leh Chinlunthang kipahpina um

Lamka, May 3 – Paolienlal Haokip, MLA, 59-Saikot leh Chinlunthang, MLA, 60-Singngat kipahpina program tuni’n Zoumunnuam Community Hall ah um hi. 

Program ahileh Zoumunnuam Village Authority saina hi’a, tuanah Paolienlal Haokip in “A nuam theipen ding a khuo-le-Veng min phuo ahivang in lampi hoilou zieh in khuo-le-vengte a nop ding bang in nuamthei tahtah lou” chi hi.

Tua zieh in mailam hun ah mipi toh pangkhom in khuo-le-vengte amin (Molnom, Zoumunnuam etc) nop bang a nuam ding in lampi hoiloute bawlhoi vai chi hi.  

Assembly Constituency dang banglou a 59-Saikot leh 60-Singngat A/C pen Khuo-le-Veng khat a kihal/khen, ahivang a lampi kibang tam ahina ah lampi bawlhoi na ding ah Ama constituancy, kei constituancy chilou a lunglien tah a peipi hihen chi’n genkawm in Zoumunnuam mipi’n Election hun a tha-le-zung a sengte hunsalou a tuni’a ama leh 60-Singngat MLA kipahpina ding a Sial 3 agawna tung ah kipahthu gen hi.

Tualeh Chinlunthang, MLA, 60-Singngat in T. Pauchinkhup, Chief of Zoumunnuam kipieh jouna leh chitahna zieh a Nampi, adieh a UZO puhse lou ahidan genkawm in tungtung MLA ding a teelching ahina tung ah ama leh Singngat AC sung a vote nei hunkhopte panlah na zieh zong ahi chi’n gen hi.

Tuami mai hilou in Nam vai a buoina, basapna a um chieng in zong Zoumunnuam te zieh leh zal a kitohsuo thei a um zel ahidan zong gen in kipah etsahna in Zoumunnuam Village Chief Puan Laisan silsahna leh Belpi piana nei hi.

Tuni 59-Saikot leh 60-Singnat AC kipahpina program hun ah Zoumunnuam Mothers Association (ZMA), Village Authority, M. Khuplianpau, Finance Secy. V/A, MELC Zoumunnuam, Upa Khamsonpau, Manneiching te’n MLA 2 te kipah silpieh piehna nei ua, Pastor T. Lamgen, MELC in MLA 2 te Lawchinna Maitam leh Thumsahna nei hi. (Zogam Today)

-------

Share: