Mihem khat hinkho kikhelna dia adoudal a pang umchan phabep ho

1. Introjection: 

Pic: Irene Chan Mate via Facebook

Asi ham apha ham, atah ham alhem ham, min ipi jeh a asei a abol ham ti khoultoh se Lou,a mi thusei jouse moh lah leh moh tahsan pei ji. Mi thusei lasah leh umchan khat keima principle, ngaidan leh hindan toh kituh ham kituh Lou ham tia gel thuh na umlou hel a mi um dan dan a moh um jeng, khulai mi thusei jouse pule a moh pang jeng.(Mi thusei jouse na pom a henge namoh ti a,mi kikai na lang Lang a naki Kai a,mi principle jui a Hinkho Naman sang in, nangma principle na khantou nathei di kisem in Lang, det tah in dinpi in. Chutileh nang dia Jong khantouna ahina ban a mi ja Jong nachan joh ding ahi)

2. Projection:

Eima lhinlal naho mi Chung a kimu thei kei a eima lhinlal na ho mi Chung a imu tengleh midang ki moh ngoh ji. Midang quality hoi nei khat imu leh pachat leh vetton a neisang a thangthip man a vetjui thei quality Jong ki acknowledge numlou a kidem peh. (.(Na lhinlal naho naki sel sel sang in, kihet them Jo inlang semphat din pan la Jo in. Ei sang a mi vetton thei imu leh dem leh seiset sang a, mi Hinkho akoun jildoh thei kivet a eima Hinkho kisemphatna leh kitilkhouna joh a man di ahi)

3. Retroflection: 

Min aboldia lom khat seipeh eilou leh bol nga doh sang a ei man mi tohding bolding ki bol a, ilung nupmo na lunghan naho eiman ki puh puh jeng.( Min aboldia lom Naga bol a aphun toh ahan toh nakop a, nang dia lung natna nasuo sah sah sang in,phaten abol di dan hilthem inlang abol doh tei din kihou them peh in.Nang in nabol ngeilou leh nabol ngaplou ho nabol thaset bang a min Jong abol thaset nikho umthei ahina ban a, Nang in nahinkhoa nache pi khat umchan khanchan khel hahsa nasah bang a, min Jong ahinkhoa achepi khat umchan khanchan khel hahsa asah ahi ti hethem in)

4. Deflection: 

Esei ding thudih khat mi lungnupmo ding kichat man a direct a sei Lou a aning akoi a indirect tah a sei a ako mu Chet di pen seidoh talou.(Thudih seidia lom nahet ahilou leh mikhat akipal nadi namu peh teng leh aning akoi a kivel Lou in Jang pel in seipeh in. Thudih angai ahah vang in agasuo atui Jo e.)

5. Confluence: 

Mi suh lung nupmo ding, suh lung hang ding kichat man a mi lung hol a mathah. (Hinkho chomcha nanei sung hi mi lunghol Nan mathah hih in, nang kipana di leh nupsah nadi jong kingaituo Kom kom in,hichu mihem khat hinlo na pipen jong ahi. Mi lungholna gunset a Hinkho manchai di kiti hi mi ibah louna kilah na khat jong ahi)

~ Irene Chan Mate, Psychologist

Share: