KRISTIAN HIANKHUA LEH TU'MSING (Sam 92:12)

~ Rev.  S. Thangnou

Pastor, TBC (ABA) Delhi

Palm Sunday a nai toh kiton in, tu'msing om dan tamlou i gen ding. Tu'msing ahileh Bible ah Kristiante in gualzohna, zohna, kilemna leh tangtawn hinna etsakna in a kizang hi.

Hih singkung apan thupi nih en ni.

1) Lei (soil) tel tuam neilou: Lei chi tuamtuam om leh zong tu'msing hi munkhat peuhpeuh ah a pou thei hi. Gamken, gamzang, munniam, gamsa, gamvot hileh zong mun zousiah ah hing thei hi. Hibang in gingtute zong i omna peuhpeuh ah sa-le-kha lam a hintheih ding a poimoh hi. Khenkhat khami deuh lai zong a omna mun leh sepna a tuam chiang in a biakna zong thadah in ngiamkiat thei hi. Mitawm deuhna, meltheih om louhna leh a tuamtuam lunggelna hang in hatlou in om thei hi. Hitaleh zong gingtute Jesu Krist toh hing khawm leh om khawm i hihziak un amah toh om pen mun zousiah ah nuam tak a hing thei ihi uhi.

2) Zungkip/bulkip anei: Tu'msing in bulkip mahmah a nei hi. Atangpi in feet 40-70 in sang leh zong huipi'n amut hang in a puk kei hi. Puk naak sang in a zung kilok in a thazungte kisan (stretch) sak in a khausak semsem (grow stronger) zaw hi. Lei nuai ah feet 2/3 a thuk in zung/thagui a khasuk a abul ding detsak hi. Akung (trunk) zong khau (fibrous) kiphan bang ahi a, tawnglou bal khialou in a nem/duai hi. A dawn ah aba, ateh/anah leh agahte om hi. A kawi leh zong tunglam ah a kawitou hi. Khovel a khosa ihih nalai ziak un i khalam hinkhua mutsia thei leh bawlsia thei ding a tam ding hi. Laisiangthou in ginna ah dingkip un (1 Kor. 16:13) a chi hi. Tuaziak in kiptak a i din theihna ding in Jesu Krist ah thagui thuktak kha in dindet i sawm ding uhi. Tunglam tampi a gahsuang ding in (Jn. 15:8) Toupa'n simtu zousiah khasiangthou pawlna hung tungsak ta hen. Amen.

---03042022---

Share: