GIFT LEH TALENT

~ Rev. S. Thangnou

Pastor, TBC (ABA), Delhi

Mihing khat in nasem thei mahleh a siamna leh tempaina deuh tuam khat a nei hi. Tuate a nek zonna leh a septheih pe'n siamnate 'talent' or 'gift' kichi hi. 

Thukhunlui sungah Talent kichi sik manphate gikdan tehna vanzat khat ahi. Etsakna: gold, silver, i chihte hi. Thukhunthak ah Talent sum leh sumsikte manphatna ahi. Jakob 1:17 in gift tengteng Pasian a kipan ahi a chi. I un un Pasian piak gift te leh talent tuam i nei chiat ua hinanleh Pasian lenggam a dia zaktheih leh poimoh siang ahi. I Korinth 12 ah mimal khat Jesu Khrist pumpi a di'n taksa kahiang tuamtuam in na tehkak hi. Hih bu sung ah Paul in Khasiangthou tungtawn a i san uh kha silpiak (spiritual gift) tuamtuam thu a gelh hi. Saptuam member chiat in Khrist pumpi (saptuam) a dia thoh chiat ding ahi. Apostle-te, Jawlneite, thuhilhte, sil lamdangte, leh kha silpiakte zousiah Pasian saptuam ba (part) ahi siang uhi.

Kha silpiak (spiritual gift) kua (9) te "Charismatic Gift"chihte ahihleh thutheihna, ginna khansak, damsakna, sil lamdang bawltheihna, genkholhna, khate theihtheihna, pau tuamtuamte, ham lehtheihna. Rom 12-na a thalopsakna silpiakte a gen hi: thutheihna, nasepna, thuhilhna, hanthawnna, piakkhiatna, vaihawmna, hehpihna te ahi. 

Pasian a kipat kha silpiakte leh talentte a tuam chiat dungzui in nang talent/gift pen na theih masak ding a  poimoh ahi. Tuate na tempaina toh Pasian nna i sep ding uh ahi. Tua hileh thanopna leh lohchinna kingah ding hi. Theisiamna di'n gift leh talent kibatlouhna tamlou gen ni.

1. Gift kichi Old Norse pau "gipt" apan kila khia ahi a, Talent kichi Greek pau "talenton" pan kila ahi. Latin pau kipatna a nei hi.

2. Gift pen hihtheina om mawng ahi a, Talent pen septheih tuam deihna apan ahi.

3. Gift pen pianpi om dan ahi a, Talent pen zonkhiat leh khansak theih ahi.

4. Gift pen deihtel thei ahi kei a, Talent pen deihna a kinga leh teelkhiat theih ahi.

5. Gift pen mimal chin a piak ahi kei a, Talent pen mimal chin in a sin toutou theih ahi.

6. Gift pen mimal in a tangpi a ahoihzaw a siamna mun deuh te. Etsakna: lasak, lam leh khut a septheih te ahi a, Talent pen mimal talent a hoihzaw a munchin phial a lakthei ahi. Etsakna: siamna leh hatna lam (athletics), taksa thazohnate (gymnastic), kimawlna tuamtuam (sports), laizilnate leh lam tuamte ahi.

7. Gift pen kiluahsawn siamna leh hih theihna ahi a, Talent pen mimal kizilna, thuak tentan a na khat hahsep den apan kingah ahi.

8. Gift pen midang apan kisel theilou a, theilou in mangthei, Talent pen mawk manlou hi. 

Pasian gam nasepna ding leh ikingak theihna ding a septheih pen siamnate muhkhiak a, tuape'n hamphatna leh lohchinna hoihpen hung hi ding ahi. I talent lou na i sep khak chiang in kibuai mahmah, kilohching taktak theilou hi. Munkip omlou a kisuan koikoi na in hat ding bang in hung hatlou sak in ki-om thei hi. Tua ziak in gift/talent te theihsiam ding in Pasian kiangah ngen in, midangte pan in muhdan dot pe'n a lampi hiding hi.

--- 22052022 ---

Share: