Felicitation of Pu Biren: Manipur Chief Minister lawchinna kipahpina um

Manipur State mipi ding a Churachandpur pen kineppi District ahi: N Biren

Lamka, May 6 — District dang banglou a Churachandpur district pen talent hoi tahtah nei leh laisiam tampi piankhietna district ahina ah Manipur State mipi ding a Churachandpur pen kineppi District ahidan tuni’n Chief Minister N. Biren Singh in YPA GHQ Hall, Hiangtam Lamka a um ama lawchinna leh kipahpina program hun ah gen hi. 

IAS, IPS, IRS tampi pienkhietna Churachandpur District te’n State leh India khantouna ding, adieh in Nation Building toh kisai in sep-le-bawl leh contribution tampi na neita ua, tuazieh in tu in Churachandpur District khantouna ding, peace & harmony um theina ding a panla ding chi’n zong gen hi.

Ama’n agenzelna ah Political Party a et in BJP ka hi’a, hinanleh Government formation zaw ahitoh kituoh in Manipur mipi Chief Minister ka hita chi’n genkawm in Drugs leh Drugs User-te zieh a orphanage home leh orphanage um sah nawnlou ding tup-le-ngimna in hunpeisa in Govt. of Manipur in War on Drugs peipi a, tuami lawchinna ding in public support leh public cooperation poimaw chi hi.

Accident zieh a naupang orphanage home a um pen ngaisiem huoi a, hinanleh hamthei-guithei zieh a naupang orphanage home a um pen ngaisiem huoilou chi hi. Tua zieh in koipou in khamthei-guithei zieh a naupang tagah um nawnlouna ding a panla ding chi hi.

Thangkhal Cultural Troupe

Govt. of Manipur in War on Drugs apeipi pen mikhat-le-ni mudahna zieh a peipi hilou a, khotaang hoina ding leh bitna ding a peipi ahizaw chi’n zong gen hi.

SECT list a pangte ding in PMAY card tungtawn in Rs 5 Lakhs health benefit muthei ahi’a, hinanleh Govt. of Manipur in mipi ding gelna toh SECT list a pangloute ding in CMHT nuoi ah Rs 5 Lakhs tan Health benefit amu theina ding in peipi a, tuami tup-le-ngim ahileh Voh leh gan man a koima’n damdoi man senglou a, innten-louten siemna a azah ding uh chi hi.

Tualeh Preparatory apat Class XII tan in Free & Compulsory Education amu theina ding in Govt. of Manipur in School Fagathansi nuoi ah free textbook, school uniform leh quality education pieh chi hi.

District leh State khantouna ding in Govt. of Manipur in 100 program nuoi ah scheme leh project tuomtuom peipi sawm a, tualah ah Har Ghar Jal Mission nuoi ah Churachandpur District sung ah Tube Well 50 leh Pherzawl District nuoi ah Tube Well 20 honkhiet hiding chi hi.

Churachandpur District sung a um ding Hill Medical College, Swiming Pool toh kithuo Amusement Park, 7 a-side Turf Ground, Solar Power tungtawn a Churachandpur District Hospital a 24 X 7 power supply um theina ding Solar Power Plant zong 100 days sung a honkhiet hiding chi hi.

Tu-le-tu in District 7 ah 7 a-sise Turf Ground nasep peitou a, tualah ah 100 days sung in Ukhrul, Senapati leh Churachandpur District a honkhiet hiding a, 24 X 7 power supply um theina ding Hill District 10 a nasep peitou lah ah Churachandpur, Chandel leh Tamenglong District a honkhiet hiding ban ah Sub-Division 3: Thanlon, Mualnuam leh Suangdoh a ADC Office ahileh hunlemtang masapen a honkhiet hiding chi hi.

Alangkhat ah Letzamang Haokip, MLA, 57-Henglep in Assembly Constituancies dangte bang a Henglep AC khantouna ding a lampi sialsah ding chi’n gen a, Chinlunthang, MLA, 60-Singngat in Politics kitheisiem louna, kidaidanna um nanleh State leh gamsung khantouna ding a Chief Minister in commitment aneite manghil lou a peipi tou ding chi’n gen in LM. Khaute, MLA, 58-CCpur in Smart Town suosahna ding a Chief Minister in apoimaw bang a kithuopina petou ding chi hi.

Tuaban ah Vungzagin Valte, MLA, 56-Thanlon in ADC Guite kuol pichinna ding a panlapi ding chi’n gen a, Minister Th. Basanta in Education System a kikhelna a um theina ding in Transfer & Posting toh kisai siengthoutah a peipi hiding chi hi.

Tuni Chief Minister N. Biren Singh kipahpina program hun ah John K. Ngaihte, Chairman Zomi Council in Welcome & keynote address genna nei a, Guest-te tuomtuom apat thugenna ngaikhiet ahiban ah Thangkhal, Paite, Vaiphei leh Zou Cultural Troupe te apat Nam Lam um a, R. Sanga, Speaker Zomi Council in vote of thanks gen in program khah hi. ~ Zogam Today

Share: