Lamka 2022 April 30: United Zou Organisation General Headquarters, Zou Youth Organisation General Headquarters, Zou Sangnaupang Pawlpi General Headquarters leh Zou Civil Society lamkai tuamtuam te'n tuni'n Zou Gal Hall, Zoveng, Zenhang Lamka ah meeting poimaw tak nei uhi. United Zou Organisation (UZO) Constitution Bawng III Khil (3) 12 dungzui a Zou Working Committee (ZWC) member hina a sitting MLA/MDC/MP te phal lou ahih na toh kizui in United Zou Organisation President Pu Chinlunthang, MLA, 60-Singhat A/C a ding a telching a a omna tung ah tuni'n UZO President dinmun apat kitawpna (Resignation) pia a, UZO lamkaite'n UZO Constitution Bawng VI (3) dungzui leh pansan a UZO President pu kitawpna pomsak in om hi.
Hih toh kisai in Vice President Pu Jamgenthang in Acting in UZO President hihna pua ding hi. UZO GHQ President thak Pu Jamgenthang kung ah Pu Chinlunthang in Zou puanlaisan khat silsak in hanthawn thu gen na leh asepkhawmpi UZO lamkaite leh Zou Civil Society lamkai tuamtuamte kung ah kipah thu gen hi. UZO nuai a Frontal Organisation Philanthropic a, Zou Youth Organisation General Headquarters Assembly zong ahong tung ding May 6, 2022 chiang in om ding a, Election zong nei suak ding uhi. Hih hun ah ZYO GHQ lamkaite, Block lamkaite leh Unit President, Secretary-te ban ah ZYO GHQ President ana pangsate'n zong vote khiatna nei ding uhi.
Tuni'a joint meeting hun ah Behiang a Zou Gal Memorial Cemetery, M. Lunmual a Zou Gal Centenary Ground, Tangpijol khuo a Zou Gal memorial Park banah Zou Gal Hall puahphat ding chite ban ah Singngat Khopi Education hub a siamkhiat ding leh a dangdang pang in thu poimaw tuomtuom houlimkhawmna nei uhi.
KHALVONTAWI
VOICE OF THANGKHAL
.jpeg)
.JPG)
No comments:
Post a Comment
Comments not related to the topic will be removed immediately.