Saikot MLA Pu Paolienlal Haokip in ITI enkhia, hoihtaka sem di’n thupia

Lamka 2022 April 27: 58 Saikot Assembly Constituency Hon'ble MLA Pu Paolienlal Haokip in tuni'n Industrial Training Institute (ITI) Saikot enkhia a, hih hun ah district tuailaite'n siamna chituamtuam a zilkhiakna munpi uh hithei ding tan a hoihtak a ITI Saikot function sak dingin akisaipihte theisak hi.

Hon'ble MLA Pu Paolienlal Haokip in hoihtak a function sak ding ngai poimawh ahihdan gen a, huchihlai in class ginatlouh banah vanzat leh sinsaktu ding kichinglou ahihdan a theih ziakin lungkimlou thu gen hi.

Bialtu MLA in ITI Saikot a etkhiak hun ah Y.Achouba, Superintendent, ITI Saikot leh staff-te zong tel uh a, MLA in ITI Saikot Suptd. kiang ah hoihtak a function sak ahihtheihna dinga panla ding in theisak hi. Huo tawh kisai in ITI hinsak thak theihna dinga poimohte gelhthawh in 'comprehensive proposal' pelut ding in zong MLA in Suptd. theisak hi. 

ITI ah trade poimoh khenkhat omlou tawh kisai panla ding ahihdan zong MLA in gen hi. MLA Paolienlal Haokip in huo hunsung in ITI huangsung a hostel building luigawpte zong enkhia a, student-te tawh zong hun zangkhawm hi. Tuni a MLA in ITI Saikot a etkhiak hun ah Rameshwar Keisham, District Employment Exchange Officer, CCpur leh ITI staff tuamtuamte tel uhi.

KHALVONTAWI

VOICE OF THANGKHAL

Share: