Pasal khat kivua; dam joulou in si; Police te’n mi 3 man

Hauginsang Khongsai

Lamka, April 27 — Meltheihlou te'n a vuakliam uh Hauginsang Khongsai (27) s/o Kamginlian of Hiangdung, Singngat Sub-Division tu zinglam nai 10:00 ding vel in RIMS ICU Ward ah mualliam chi'n Police lam apat report in gen hi. 

Hauginsang Khongsai was allegedly beaten to death by three youths of Lingsiphai village.

Hauginsang Khongsai ahileh apaisa April 13, 2022 (5:30PM) in meltheihlou mi 3 in New Bazaar area lak ah vua u'a, a lawipa Gousonmung (43) s/o Late Gousonthang of S. Munhoih, Singngat SubDivision in District hospital ah pua a, hinanleh a liamna pen serious ahihna ah doctor te'n Raj Medicity Hospital, Imphal ah referred ua, tuamun apat RIMS ICU Ward a ding in referred in um sawn chih ahi.

Siltung khit Ni 7 (April 21, 2022) ni'n Kamginlian f/o Hauginsang in Churachandpur Police Station ah complaint bawl a, tuachi'n Police te'n New bazaar area lak a CCTV footage bangzah ahiai khat kaikhawm a investigation abawlna ua ginmawh mi 3 tu zingsang lam in man uhi.

Hauginsang battling for life. Sadly, he succumbed.

Mat a um mi 3 te ahileh (1) Lamminlal Sialiap (27) s/o Khaimuanllian of Lingsiphai, (2) Mangsemlun (28) s/o Khaidoukhum of Lingsiphai leh (3) Lammuansang (22) s/o Lamthianmang of Lingsiphai hi ua, Police te'n a tung ua FIR No. 62 (4) 2022 CCP-PS U/S 326/34/ IPC Added 302 IPC registered in  Court ah dingsak ua, Court in Police te ngetna bang in May 5, 2022 tan Police custody a om ding in phalsak hi. 

Talks: Accused family and victim's family

Hih report kigelhtan ah Police te'n Gousonmung (43) s/o Late Gousonthang of S. Munhoih, Singngat Sub-Division pen investigation sung a ni 15 sung Judicial Custody a um ding in Court ah ngetna bawl uh chithu kiza hi. (Zogam Today)

Share: