by Helun Haokip
Pathen lungset in tukum 2022 Manipur Assembly Election ah thinglhanga seat 20 umlah ah Eimi Kuki chate mi 10 ahung kaidoh theijun kipapi aumlheh jeng uve. Akhohtah khat vang chu amaho hin abonchauva BJP ticket adel u anahin, amujou ho chu party a chu umden uva, amu joulou ho chun party dang a join u ahitai. Ahin hichea kipa umtah khat kit chu Kuki People's Alliance (KPA) Candidate teni ania akaidoh hon chu ahin, hia konna hi ivet leh next Assembly election tengle vang mi tamtah KPA ticket ahung kichu diu kinep aum thei tai.
Tuchung hin Eimi te laha heavy weight a seithei phabep tichu Pu T.N. Haokip, Pu V. Hangkhanlian, Pu Ngamthang Haokip, etc. ho alolhing jou tapouvin, kikhelna vang ideiju ahitai ti mudoh theina chu ahitai. Ipi hileh tuchunga hung kaidoh jouse ikipapi uvin, hiche toh kilhon chun amaho mimal chanchin chom chacha ana veu hite:
(1) Pi Nemcha Kipgen (BJP): Ama hin Nursing profession ahin dalhan 2017 chun Kangpokpi constituency a kon in MLA ana kaidoh in, Kukite laha numei MLA kaidoh masapen anahi tai. Akaidoh doh in N. Biren Singh ministry ah Social Welfare and Co-operation Minister in ahung pang in, term lhung in vang ana pang tapoi. Amahi nampi natong Pu Semtinthang Kipgen (Pu Thangboi aka Pu Semma) loinu ahi. Tuchunga Kangpokpi a chu Nepali khat hung kaidoh kha di ham tia dipchah taha akium laijin, Pathen lungset in Pi Nemcha ahung kaidoh kit in, kipapi aumlheh jeng in, aman jong amasa a sanga gunchu joa gam le nam na ahin toh ding ikinep piuvin ahi.
(2) Pu Letpao Haokip (BJP): Amahi aumtalou Pu Tongkhothang Haokip chapa ahin, 18 January, 1976 kum chun Aihang kho (Chandel district) ah anapeng in ahi. Graduate achaijou vin special contractor jong anahin, ahin 2017 Manipur Legislative Assembly election a chun Chandel constituency a kon in NPP ticket in MLA ana kaidoh in, Shri N. Biren Singh ministry ah Youth Affairs and Sports & Irrigation and Flood Control Department (now Water Resources Department) Minister in term lhung keeijin anapang in ahi. 2021 kum lhun kon lam chun NPP anadalha in BJP ah alut in, chuleh constituency jong akhel in, Chandel hita louvin, Tengnoupal joh ah ahin tet tan ahi. Maring khat mama hung kai kit ding ham tia dipchah taha akium laijin, Pathen lungset in ama sangtah in ahung lolhing in kipapi aumlheh jeng in, aman jong tuchunga hi gam le nam na phataha ahin toh ding ikinep piu vin ahi.
(3) Pu Vungzagin Valte (BJP): Ama hi Churachandpur district a um Mualnuam kho ah anapeng in, B. Sc achaijou vin Bank a natong (Banker) khat anahin, ahin 2017 chun Thanlon constituency a kon MLA ana kaidoh in, term kichai kon lam in N. Biren Singh Ministry ah Hills & Tribal Development, Transport and General Administration Department (GAD) Minister in anapang in ahi. Ama hin Manipur Assembly innpi toukhomna a Alfred Tangkhul in Sappao va thu adoh phatea adonbut theilou jeh in, mihon totnopna in ana neijun ahi. Ipi hileh akaidoh kit ahitah jeh in, aman jong tuchung beha gam le nam na phataha ahin tohding ikinep piuvin ahi.
(4) Pu Haokholet Kipgen (Independent): Amahi aumtalou Pu Palun Kipgen chapa ahin, tutua Kangpokpi district sunga model village khat a seithei Hengbung kho haosa jong ahi. Amasa in Saitu le Tadubi constituency teni a kon in jong MLA ana kaidoh kha tan ahi. Tuchunga chu mi tamtah in Pu Lamtinthang Haokip chu kaidoh dinga anagel u ahin, hijong leh Pu Haokholet Kipgen jong hi thilbol thei leh central langa BJP national lamkai tamtah to jong kihethem mi ahijeh in, nampi a dia thil tamtah ahin tohdoh ding ikinep piuvin ahi.
(5) Pu Ngursanglur Sanate (Janata Dal-United/JDU): Ama hi aum talou Pu Ngurdinglian Hmar chapa ahin, apa chu term ijat ham Tipaimukh constituency a hi ana kaidoha Cabinet Minister a jong anapang ahi. Pu Ngursanglur hi tuchung akaidohna Tipaimukh mama a hin amasa in jong MLA khat vei ana kaidoh khatan ahi. Aman jong tuchunga hi gam le nam na gunchu tah a ahin toh ding ikinep piuvin ahi.
(6) Pu Lallian Mang Khaute/LM Khaute (JDU): Ama hin M.A. (Pol. Sc.) ana chaijouvin, 1985 kum chun IPS (Manipur-Tripura cadre) anasun doh tan ahi. Hiti chun Eimi/Kukite laha din Manipur DGP (Director General of Police) masapen din 2017-2021 sung in anapang in ahi. Tuchung in Ccpur constituency a kon in mi tamtah in Pu V. Hangkhanlian joh kai dia aginchat laijin ama ahung kaidoh theijin, kipapi aumlheh jeng in, aman jong gam le nam na kitah taha ahin toh ding ikinep piuvin ahi.
(7) Pu Paolenlal Haokip (BJP): Ama hi Pu Tonglal Haokip chapa ahin, 2003 kum chun Jawaharlal Nehru University (JNU, Delhi) ah M.Phil. (International Relations and Affairs) ana chaijin, Parliament a Executive Officer in jong anapang in, ahin gam le nam ngailut jallin 2021 chun anatohna hoitah chu ahin dalhan, Saikot constituency ah MLA ahin tet in ahung kaidoh theijin, kipapi aumlheh in, aman jong mipin akinep pi na banga gam le nam na kitah taha ahin toh ding ikinep piuvin ahi.
(8) Pi Kimneo Haokip-Hangsing (KPA): Ama hi Pu Ngamthang Haokip (Former Minister) chanu ahin, aloipa/ajipa jong hi nampi natong Pu David Hangsing ahi. Ama hin M.A. achaijou vin, Manipur Assembly Secretariat ah Committee Officer na anatong in, ahin 2021 chun nampi natong dia ahung kipehdoh tahjeh in, anatohna chu anadalha tan ahi. Ama jong hi Pathen lungset in KPA candidate akaidoh teni laha khat ahung hithei jeh in nasatah in ikipa piuvin, gunchu tah a gam le nam na ahin toh ding ikinep piuvin ahi.
(9) Pu Chinlunthang Manlun (KPA): Ama hi aumtalou Pu Thangkhanlal Zou chapa ahin, apa jong chu 1990 kum a chu Kuki National Assembly (KNA) ticket a MLA ana kaidoh ahi. Pu Chinlunthang hin LLB anachaijin, lawyer khat ahin, hijongleh gam le nam ngailut jallin 2022 Manipur Assembly election Singat constituency ah KPA ticket in ahin tet in, Pathen lungset in ahung lolhing theijin, nasatah in ikipa piuvin, ama jong hin mipi kinepna banga gam le nam na kitah taha ahin toh ding ikinep piuvin ahi.
(10) Pu Letjamang Haokip (BJP): Ama hi Pu Tongkhongam Haokip chapa ahin, 2000 kum chun Manipur University ah M.A. anachaijin ahi. Tuchung 2022 Manipur Assembly election ah Henglep constituency a kon in MLA ahung kaidoh in, kipapi aumlheh jeng in, ama jong hin mipi kinepna banga Henglep gamkai ahin semhoi jepa adeha Henglep le Ccpur kikah lampi hi ahin semdoh ding ikinep piu vin ahi.
Pathen in phatthei boh uvin tin, Manipur a cheng Eimite jouse kipum khatna le khantouna hung hitau hen.
Pathen lungset in tukum 2022 Manipur Assembly Election ah thinglhanga seat 20 umlah ah Eimi Kuki chate mi 10 ahung kaidoh theijun kipapi aumlheh jeng uve. Akhohtah khat vang chu amaho hin abonchauva BJP ticket adel u anahin, amujou ho chu party a chu umden uva, amu joulou ho chun party dang a join u ahitai. Ahin hichea kipa umtah khat kit chu Kuki People's Alliance (KPA) Candidate teni ania akaidoh hon chu ahin, hia konna hi ivet leh next Assembly election tengle vang mi tamtah KPA ticket ahung kichu diu kinep aum thei tai.
Tuchung hin Eimi te laha heavy weight a seithei phabep tichu Pu T.N. Haokip, Pu V. Hangkhanlian, Pu Ngamthang Haokip, etc. ho alolhing jou tapouvin, kikhelna vang ideiju ahitai ti mudoh theina chu ahitai. Ipi hileh tuchunga hung kaidoh jouse ikipapi uvin, hiche toh kilhon chun amaho mimal chanchin chom chacha ana veu hite:
(1) Pi Nemcha Kipgen (BJP): Ama hin Nursing profession ahin dalhan 2017 chun Kangpokpi constituency a kon in MLA ana kaidoh in, Kukite laha numei MLA kaidoh masapen anahi tai. Akaidoh doh in N. Biren Singh ministry ah Social Welfare and Co-operation Minister in ahung pang in, term lhung in vang ana pang tapoi. Amahi nampi natong Pu Semtinthang Kipgen (Pu Thangboi aka Pu Semma) loinu ahi. Tuchunga Kangpokpi a chu Nepali khat hung kaidoh kha di ham tia dipchah taha akium laijin, Pathen lungset in Pi Nemcha ahung kaidoh kit in, kipapi aumlheh jeng in, aman jong amasa a sanga gunchu joa gam le nam na ahin toh ding ikinep piuvin ahi.
(2) Pu Letpao Haokip (BJP): Amahi aumtalou Pu Tongkhothang Haokip chapa ahin, 18 January, 1976 kum chun Aihang kho (Chandel district) ah anapeng in ahi. Graduate achaijou vin special contractor jong anahin, ahin 2017 Manipur Legislative Assembly election a chun Chandel constituency a kon in NPP ticket in MLA ana kaidoh in, Shri N. Biren Singh ministry ah Youth Affairs and Sports & Irrigation and Flood Control Department (now Water Resources Department) Minister in term lhung keeijin anapang in ahi. 2021 kum lhun kon lam chun NPP anadalha in BJP ah alut in, chuleh constituency jong akhel in, Chandel hita louvin, Tengnoupal joh ah ahin tet tan ahi. Maring khat mama hung kai kit ding ham tia dipchah taha akium laijin, Pathen lungset in ama sangtah in ahung lolhing in kipapi aumlheh jeng in, aman jong tuchunga hi gam le nam na phataha ahin toh ding ikinep piu vin ahi.
(3) Pu Vungzagin Valte (BJP): Ama hi Churachandpur district a um Mualnuam kho ah anapeng in, B. Sc achaijou vin Bank a natong (Banker) khat anahin, ahin 2017 chun Thanlon constituency a kon MLA ana kaidoh in, term kichai kon lam in N. Biren Singh Ministry ah Hills & Tribal Development, Transport and General Administration Department (GAD) Minister in anapang in ahi. Ama hin Manipur Assembly innpi toukhomna a Alfred Tangkhul in Sappao va thu adoh phatea adonbut theilou jeh in, mihon totnopna in ana neijun ahi. Ipi hileh akaidoh kit ahitah jeh in, aman jong tuchung beha gam le nam na phataha ahin tohding ikinep piuvin ahi.
(4) Pu Haokholet Kipgen (Independent): Amahi aumtalou Pu Palun Kipgen chapa ahin, tutua Kangpokpi district sunga model village khat a seithei Hengbung kho haosa jong ahi. Amasa in Saitu le Tadubi constituency teni a kon in jong MLA ana kaidoh kha tan ahi. Tuchunga chu mi tamtah in Pu Lamtinthang Haokip chu kaidoh dinga anagel u ahin, hijong leh Pu Haokholet Kipgen jong hi thilbol thei leh central langa BJP national lamkai tamtah to jong kihethem mi ahijeh in, nampi a dia thil tamtah ahin tohdoh ding ikinep piuvin ahi.
(5) Pu Ngursanglur Sanate (Janata Dal-United/JDU): Ama hi aum talou Pu Ngurdinglian Hmar chapa ahin, apa chu term ijat ham Tipaimukh constituency a hi ana kaidoha Cabinet Minister a jong anapang ahi. Pu Ngursanglur hi tuchung akaidohna Tipaimukh mama a hin amasa in jong MLA khat vei ana kaidoh khatan ahi. Aman jong tuchunga hi gam le nam na gunchu tah a ahin toh ding ikinep piuvin ahi.
(6) Pu Lallian Mang Khaute/LM Khaute (JDU): Ama hin M.A. (Pol. Sc.) ana chaijouvin, 1985 kum chun IPS (Manipur-Tripura cadre) anasun doh tan ahi. Hiti chun Eimi/Kukite laha din Manipur DGP (Director General of Police) masapen din 2017-2021 sung in anapang in ahi. Tuchung in Ccpur constituency a kon in mi tamtah in Pu V. Hangkhanlian joh kai dia aginchat laijin ama ahung kaidoh theijin, kipapi aumlheh jeng in, aman jong gam le nam na kitah taha ahin toh ding ikinep piuvin ahi.
(7) Pu Paolenlal Haokip (BJP): Ama hi Pu Tonglal Haokip chapa ahin, 2003 kum chun Jawaharlal Nehru University (JNU, Delhi) ah M.Phil. (International Relations and Affairs) ana chaijin, Parliament a Executive Officer in jong anapang in, ahin gam le nam ngailut jallin 2021 chun anatohna hoitah chu ahin dalhan, Saikot constituency ah MLA ahin tet in ahung kaidoh theijin, kipapi aumlheh in, aman jong mipin akinep pi na banga gam le nam na kitah taha ahin toh ding ikinep piuvin ahi.
(8) Pi Kimneo Haokip-Hangsing (KPA): Ama hi Pu Ngamthang Haokip (Former Minister) chanu ahin, aloipa/ajipa jong hi nampi natong Pu David Hangsing ahi. Ama hin M.A. achaijou vin, Manipur Assembly Secretariat ah Committee Officer na anatong in, ahin 2021 chun nampi natong dia ahung kipehdoh tahjeh in, anatohna chu anadalha tan ahi. Ama jong hi Pathen lungset in KPA candidate akaidoh teni laha khat ahung hithei jeh in nasatah in ikipa piuvin, gunchu tah a gam le nam na ahin toh ding ikinep piuvin ahi.
(9) Pu Chinlunthang Manlun (KPA): Ama hi aumtalou Pu Thangkhanlal Zou chapa ahin, apa jong chu 1990 kum a chu Kuki National Assembly (KNA) ticket a MLA ana kaidoh ahi. Pu Chinlunthang hin LLB anachaijin, lawyer khat ahin, hijongleh gam le nam ngailut jallin 2022 Manipur Assembly election Singat constituency ah KPA ticket in ahin tet in, Pathen lungset in ahung lolhing theijin, nasatah in ikipa piuvin, ama jong hin mipi kinepna banga gam le nam na kitah taha ahin toh ding ikinep piuvin ahi.
(10) Pu Letjamang Haokip (BJP): Ama hi Pu Tongkhongam Haokip chapa ahin, 2000 kum chun Manipur University ah M.A. anachaijin ahi. Tuchung 2022 Manipur Assembly election ah Henglep constituency a kon in MLA ahung kaidoh in, kipapi aumlheh jeng in, ama jong hin mipi kinepna banga Henglep gamkai ahin semhoi jepa adeha Henglep le Ccpur kikah lampi hi ahin semdoh ding ikinep piu vin ahi.
Pathen in phatthei boh uvin tin, Manipur a cheng Eimite jouse kipum khatna le khantouna hung hitau hen.
*via Social Media*
.jpg)
.JPG)
No comments:
Post a Comment
Comments not related to the topic will be removed immediately.