TSP GHQs in T-shirt hongkhia

Lamka 2021 Nov 4: Thangkhal Sinlai Pawlpi (TSP) GHQ in TSP T-Shirt a bawl uh tuni zingsang dak 7:30 in TSP GHQ Office, Thingkangphai ah honkhiakna neih in om hi. Huo ah H Pauzalal, Zomi Social Worker in Chief Guest hihna tawh uap in, hunzatna MG Muanlal, Social Worker in lamkaih a, Chiinching in thumna a pan in, TSP GHQ in huo hun a Chief Guest a pang H Pauzalal leh Pastor Khup Do Khen kiang ah Memento pia uhi. T Shirt honkhiakna Chief Guest in a neihzawh in, Rev. Khupdokhen, Ex President TSP GHQ in Pasian khut ah latkhiakna nei a, Chief Guest in thugenna a neihzawh in, huntawp ah Genmuonsang, Vice President TSP GHQ in kipahthu gen in, Pastor Hangmuanlian, Director Youth & Missions Thangkhal Baptist Church in thumna in khak hi. Hunzakna ah H Pauzalal in a gendan in, amah pen bangmah hikei mahleh lawm leh vual hoihtak a neihziak a hih dinmun a dingthei ahihdan gen in, Thangkhal pen Nam a ngaihnat mahmah te lak a khat ahi chi a, Thangkhal Namte pen mi taima, mi kuhkal leh a lungsim siangthou ahi uh chi a, Zomi sung kituahna ding leh khanna ding a panlatute na hi uh chi in, mi gensiat sang in mi phatzaw uh chi hi. Honkhiak a om TSP T-Shirt ahihleh Rs 400 in leitheih ding chihthu kiza hi. T-Shirt deihte'n Mangpi Thangkhal, Asst. Information & Publicity TSP GHQs Contact number 8730948729  leh Miss Biakkim, Finance Secretary TSP GHQs Contact number 7085604357 ah ei mah size deihdan gen in, order theiding uhi.

KHALVONTAWI

VOICE OF THANGKHAL

Share: