Lamka, 2021 July 28: Zomi Youth Association (ZYA) General Headquarters India lamkaite'n Myanmar a ZYA-te zat ding in Oxygen concentrator 2 pia uh a, huote pekhe ding in tuni zingsang in ZYA GHQ Office, Go Chin Khup Veng akipan ZYA bolero zang in kuan khia uhi. Hih hun ah ZYA President Thangsianbiak in thugenna saulou nei a, aman ZYA kichi Zomi sung a meithai tagah, genthei haksa panpih ngaite panpih thei ding a a om kipahhuai sa ahihdan gen hi. Coronavirus (Covid-19) in Myanmar gam a Zomite nakpitak a nawkkha in makai muanhuai tampi in sihlawh uh a, amaute ZYA India in suunpih mahmah ahihdan puang hi. Maban ah apoimawh bang a ZYA Myanmar tawh kithuzak in panpih ngaite ading a nasep sunzom zel ding uh hi'n gen hi. Electric Oxygen concentrator nihte a sum a tuat in Rs. 1.3 Lakh man phazou a, maban ah kuahiam mi kiphal, Myanmar a Zomi-te panpihna penuam a om leh ZYA GHQ thuzak theih gige ding hi'n ZYA President in gen hi. Oxygen concentraor pekhe ding a vakuan ZYA makaite, Upa N. Do Za Thawng, Local Chairman, CBA Sinai Church in thumna in khakhia hi.
Sd/-
MG Muanlal, Information Media & Publicity
.JPG)
No comments:
Post a Comment
Comments not related to the topic will be removed immediately.