ZC, ZMA leh ZYA Lamka Block a ding Gari Bolero pia

Lamka 2021 July 8: Zomi Council leh Zomi Mother's Association General Headquarters a ding Gari tuni zinglam sak 8:00AM in ZRO/ZRA President inn Dorcas veng a piak khiatna nei uhi. Hiai hun ah Sr. KC Smake Secretary GAD, in hun zatna makaih ah, Gari Bolero latna Pastor Genliankap, Chaplain in latna nei in, Kenneth Muan Vice President ZRO in Zomi Council Chairman John K. Ngaihte leh Zomi Mother's Association President Chingboi  kiang a, Gari Bolero Chabi leh Document teng piak khitna nei in, Thugenna ZC Chairman leh ZMA President in nei hi, Hiai hun a Pu John K Ngaihte Chairman Zomi Council in agennna a tukum Zomi sung a Organisation tuamtuam ZYA in Ambulance leh DI nei thakin innpi ZOMI COUNCIL kiangah hong tut uh ah, ZC Complex Khominthang ah alatna leng nei ahih dan gen in, tua Zomi Council leh ZMA a ding Gari thak Bolero thak Latest model B6 nei a om nawn ahih man in Pathian Thupha ahih dan gen in, ZMA President Chingboi in agenna a hunpaisa ah ZMA in Nam na sepna, kaal suanna a Gari nei louin ZC te ZYA te Gari kizang jel ahih man in, a kaal a haksatna tampi natuak ahih dan gen hi, tu mabanah ZMA vai a kaalsuan na khenpueh ah, a apoi moh bang a zak di Pawlpi te'n Gari thak Bolero latest model B6 apiak na tuang uah ZYA GHQs minin kipahthu gen hi. Pu Thangsianbiak Phiamphu President ZYA in agenna ah ZC leh ZMA in Gari thak a neih natung ah ZYA GHQs in leng kipahpih mahmah ahih dan gen in Maban a ZYA GHQs Office ding honna a paikhawm mipi tengin leng uap Chiang dingin chialna bawl a, ZYA in Gari a nei teng Zomi sung a apoi moh bang a zat thei gige ahih dan gen in, ZYA a ken tu hi lel ahih dan gen in. Maban a Zogam leh Zomi a dingin pangkhawm chialna bawl in, Pu John K. Ngaihte Chairman Zomi Council in ZC Gari lui Bolero pen ZYA President Thangsianbiak khut a piakkhiatna nei in, ZYA GHQs President in, ZYA Lamka Block President K. Paumuanthang kiang a piak khiatna nei ngal in, hun tawp a Pastor Genliankap Chaplain in thumna nei in, paikhawm lamkai tengin Gari thak lopna in itna Annkuang umm khawmna nei in hun jou uhi.

MG Muanlal

Information Media & Publicity ZYA GHQs

Share: